Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álemde sońǵy aptada koronavırýs juqtyrǵandar qatary 20% ósti

2022 jyldyń 19 qańtar 2022 10:54

JENEVA. TASS-QazAqparat – Ótken aptada álem boıynsha 18 mıllıon adam koronavırýs juqtyrdy, bul – pandemııanyń basynan bergi jańa antırekord. Vırýs juqtyrǵandar qatary ótken apta kórsetkishterimen salystyrǵanda 20%-ǵa ósti. Bul týraly seısenbi kúni Jenevada Dúnıejúzilik densaýlyq saqtaý uıymy (DDSU) málim etti, dep habarlaıdy QazAqparat TASS agenttigine silteme jasap.

Ólim kórsetkishi 4%-ǵa ósip, 45 myńnan asty.

DDSU-nyń apta saıynǵy bıýlletenine sáıkes, 10-16 qańtar aralyǵynda vırýs juqtyrǵandar qatary ótken apta kórsetkishterimen salystyrǵanda 20%-ǵa kóbeıgen – 18 739 636 juqtyrý jaǵdaıy tirkeldi.

Jeti kún ishinde 45 543 adam vırýstan kóz jumdy, bul – ótken aptamen salystyrǵanda 4%-ǵa kóp.

DDSU-nyń alty óńiriniń beseýi ótken aptamen (3-9 qańtar) salystyrǵanda juqtyrý jaǵdaılarynyń kóbeıgeni týraly habarlaǵan. Afrıkada kórsetkish 27%-ǵa tómendegen.

Juqtyrý jaǵdaılary Ońtústik-shyǵys Azııa men Shyǵys Jerorta teńizinde kóp, munda ótken aptamen salystyrǵanda vırýs juqtyrǵandar sany 145% jáne 68%-ǵa artqan.

Sonymen qatar kórsetkishter Eýropa (10%), Amerıka (17%) men Batys Tynyq muhıty aımaǵynda (38%) kóbeıgen.

Ólim sany Ońtústik-Shyǵys Azııa (12%), Amerıka (7%), Batys Tynyq muhıty aımaǵy (5%), Eýropa (3%) men Shyǵys Jerorta teńizinde (1%) artqan, alaıda Afrıkada ólim sany 4%-ǵa azaıǵan.

AQSh-ta eń kóp juqtyrý jaǵdaıy (4 688 466) tirkeldi. Odan keıin tizimde Frantsııa (2 012 943), Úndistan (1 594 160), Italııa (1 268 153) jáne Ulybrıtanııa (813 326) tur.

DDSU-nyń derekterine saı, pandemııanyń basynan beri álemde 328 532 929 adam vırýs juqtyryp, 5 542 359 adam vırýstan kóz jumǵan.

Sońǵy táýlikte 1 586 889 juqtyrý jaǵdaıy tirkelip, vırýstan 5 255 adam qaıtys boldy.

Eń kóp juqtyrý jaǵdaıy AQSh-ta tirkeldi – onda 64 720 612 adam vırýs juqtyrǵan. Odan keıin tizimde Úndistan (37 618 271), Brazılııa (23 000 674) tur.

Ólim sany boıynsha birinshi orynda – AQSh (843 7158), odan keıin Brazılııa (621 045) men Úndistan (486 761).


Joǵary qaraı