Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Álemdegi vaktsınanyń 73 paıyzy on memlekette ǵana egilgen – BUU vaktsınatsııa teńsizdigi týraly

2021 jyldyń 28 qyrkúıek 2021 18:01

NUR-SULTAN. QazAqparat – Álem boıynsha 5,7 mlrd doza vaktsına salynǵan, biraq onyń 73 paıyzy 10 memleket aýmaǵyna tıesili. Bul týraly Qazaqstan Respýblıkasyndaǵy BUU Turaqty úılestirýshisi Mıkaela Fırberg-Storı aıtty, dep habarlaıdy QazAqparat tilshisi.

«Jaqynda BUU Bas hatshysy Antonı Gýterrısh jahandyq pandemııa boıynsha sammıtte álem boıynsha vaktsına bólýdegi ádiletsizdikti atady. Biz vaktsına óndirisin eki esege ulǵaıtýymyz kerek jáne bul jospar vaktsınany ádiletti taratýdy meńzeıdi. Jyl sońyna deıin álem halqynyń 40 paıyzyn, al 2022 jyldyń alǵashqy jarty jylynda – 70 paıyzyn vaktsınamen qamtý kózdelgen. Qazir álem boıynsha 5,7 mlrd doza vaktsına salynǵan, biraq onyń 73 paıyzy 10 memleket aýmaǵyna tıesili. Al Afrıka elderinde adamdardyń 3 paıyzy ǵana vaktsınalanǵan. Bul - úlken syn-tegeýrinderdiń biri. Biz úshin jahandyq densaýlyqty nyǵaıtý úshin reformalar qajet, vaktsına týraly durys naqty aqparattar qoljetimdi bolýy kerek», - dedi spıker Astana Media Week forýmynyń «Jańa, kovıdtan keıingi álemdegi qoǵam jáne BAQ» paneldik sessııasynda.

Sonymen birge BUU úılestirýshisi qazirgi feıkter men ınfodemııaǵa qarsy jańa tásilder qajettigin atap ótti.

«Durys kommýnıkatsııa ómirdi qutqaratynyn túsiný qajet. Sondyqtan biz koronavırýs týraly feıkterge qarsy «Tekserildi» atty jahandyq naýqandy júzege asyryp otyrmyz. Munda tekserilgen túsinikti, mazmundy jáne faktilerge súıengen aqparattardy bólisemiz. Eń bastysy - halyq tarapynan mol senim bolýy qajet. Biz BUU retinde koronavırýs pen jalǵan aqparatqa qarsy sharalardy jalǵastyra beremiz», - dedi Mıkaela Fırberg-Storı.

Eske sala ketsek, keshe elordada Astana Media Week – 2021 jyl saıynǵy medıaaptalyǵy bastaldy.

AMW-2021 barysynda halyqaralyq medıaqaýymdastyq músheleri aqparattyq kún tártibiniń ózekti máselelerin kóteredi.

Ondaǵy is-sharalar onlaın jáne oflaın-alańdarda da josparlanǵan.


Avtor Aıjan Serikjanqyzy
Basty sózder: BUU, Koronavırýs, Vaktsına,
Joǵary qaraı