Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Álemdik jáne dástúrli dinder kóshbasshylarynyń 7-sezinde qandaı máseleler talqylanbaq

2021 jyldyń 6 qazan 2021 11:53

NUR-SULTAN. QazAqparat – 2022 jyly Álemdik jáne dástúrli dinder kóshbasshylarynyń 7-sezi jańa tásilde uıymdastyrylmaq. Bul týraly Álemdik jáne dástúrli dinder kóshbasshylary sezi hatshylyǵynyń HІH otyrysynda QR Aqparat jáne qoǵamdyq damý vıtse-mınıstri Serik Egizbaev aıtty, dep habarlaıdy QazAqparat tilshisi.

Onyń atap ótýinshe, keshe hatshylyq jumys tobynyń otyrysy ótip, onda Álemdik jáne dástúrli dinder kóshbasshylary 7-seziniń jalpy jáne sektsııalyq otyrystarynyń taqyryby boıynsha jumys toby men hatshylyq músheleriniń 49 usynysyn jınaqtaý júrgizildi.

«2022 jyly 7-sezge shaqyrylǵandardyń tizimin qalyptastyrý jumys jalǵasyp jatqanyn aıta ketý kerek. Daıyndyq kezeńinde sezdiń maqsattary men mindetterin ilgeriletý jónindegi aqparattyq jumysqa basa mán berilgen. Máselen, qazirgi ýaqytta iri halyqaralyq buqaralyq aqparat quraldarynda myńǵa jýyq materıal jarııalandy. Feısbýk, Telegram, Instagram áleýmettik jelilelerinde 3 myńnan astam jarııalanym ornalastyryldy. Jumys tobynyń músheleri men sezd hatshylyǵynyń qatysýmen birqatar túrli formattaǵy is-sharalar ótkizildi. Sońǵy ýaqytta ǵana Úndistan, Pákistan, Jeneva, Chehııa jáne Saýd Arabııasynda sezdiń maqsattary men mindetterin ilgerletýge arnalǵan is-sharalar uıymdastyrylǵan. Sondaı-aq Armenııa, Vengrııa, Germanııa, Iran, Kanada, Qyrǵyzstan, Malaızııa, Túrkııada osyndaı is-sharalardyń josparlanǵanyn atap ótkim keledi», - dedi Serik Egizbaev.

Vıtse-mınıstrdiń aıtýynsha, jumys tobynyń otyrysynda dinaralyq jáne mádenıetaralyq dıalogtyń róli men mańyzy, rýhanı-adamgershilik qundylyqtar, álemniń pandemııadan keıingi jaǵdaıynda 7-sezd jumysyn jańa tásilde ótkizý qajetti týraly pikir almasylǵan.

«Máselen, Mýhammed ben Abdýlýahed ál-Arıfı pandemııa adam ómiriniń kóptegen salalaryna áser etkenin atap ótti. Osyǵan baılanysty rýhanı qundylyqtardy saqtaýǵa den qoıý qajet. Arhıepıskop ıÝrıı Novgorodov pandemııa kóptegen jańa nárselerdi, sonyń ishinde tsıfrlandyrýdy ákelgenine nazar aýdardy. Sondyqtan dinı qoǵamdastyqtar men olardyń kóshbasshylaryn qazirgi álemniń shynaıylyǵynda adamgershilik qaǵıdalaryn qalyptastyrýdaǵy róli týraly másele týyndaıtyndyǵyn aıtty. Qatysýshylar 7-sezdiń jumysy men formaty álemdi odan da qaýipsiz, tolerantty, boljamdy etý úshin syndarly yntymaqtastyqty qamtamasyz etý, mádenıetter, halyqtar men dinder arasyndaǵy ózara is-qımyldyń tıimdi tásilin belgileý tıis ekendigin atap ótti», - dedi ol.

Onyń sózine qaraǵanda, Úndistannyń «Somaııa Vıdıavıhar» ýnıversıteti konfessııaaralyq qarym-qatynas jáne ózara túsinistik baǵdarlamasynyń hatshysy Rýdraksha Sakrıkar QR Tuńǵysh Prezıdenti – Elbasy Nursultan Nazarbaevtyń sezdi jáne túrli din ókilderiniń jeke kezdesýin ótkizý jónindegi bastamasynyń mańyzdylyǵyn aıtqan.


Joǵary qaraı