Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Álemdik jáne qazaqstandyq kınojuldyzdar Tashkent halyqaralyq kınofestıvaliniń ashylýyna qatysty

2021 jyldyń 29 qyrkúıek 2021 00:45

TAShKENT. QazAqparat – Álemdik jáne qazaqstandyq kıno juldyzdary Tashkent «Jibek jolynyń injý-marjany» halyqaralyq kınofestıvaliniń ashylý saltanatyna qatysty, dep habarlaıdy QazAqparattyń menshikti tilshisi.

Ózbekstan bir apta boıy kınotýyndy túsiretinderdiń, ony kópshilikke usynyp, nasıhattaıtyndardyń, sondaı-aq jaı ǵana qarapaıym kınosúıer kórermen qaýymnyń nazaryn ózine aýdaratyn ortalyqqa aınalady.

Búgin jańartylǵan Álisher Naýaı atyndaǵy kıno saraıynda XIII Halyqaralyq kınofestıvaldiń ashylý saltanaty ótti. Sharaǵa álemniń jáne qazaqstandyq kınoındýstrııanyń tanymal ókilderi: 37 elden 400-ge jýyq sheteldik kınematografıster men áıgili kınojuldyzdar qatysty.




Stıven Sıgal, Mıthýn Chakrabortı, Nıkıta Mıhalkov, Franko Nero, Tımýr Bekmambetov sııaqty álemdik kınonyń uly tulǵalary aýqymdy kınoforýmnyń qurmetti qonaǵy boldy.

Qyzyl kilemmen Nurjuman Yqtymbaev, Jannat Qýanysheva, Berik Aıtjanov, Arýjan Jazylbekova, Nurtas Adambaı, Samal Eslıamova jáne basqa da qazaqstandyq kıno juldyzdary júrip ótti.




Eske sala keteıik, Tashkent halyqaralyq kınofestıvali Azııa, Afrıka jáne Latyn Amerıkasy elderi halyqaralyq kınofestıvali atymen de belgili bolyp, 1968-1997 jyldardyń aralyǵynda dástúrli túrde Ózbekstan astanasynda ótkizilgen.

«Jibek jolynyń injý-marjany» kınofestıvali Ózbekstan Respýblıkasynyń Prezıdenti Shavkat Mırzıeevtiń bastamasymen 2021 jyly qaıta jańǵyryp, jyl saıyn ótkiziletin bolady. Kınofestıvaldiń uıymdastyrýshysy – Ózbekstan kınematografııa agenttigi.





























Avtor Tursynáli Ahmedov
Basty sózder: Ózbekstan, Mádenıet, Qoǵam, Óner,
Joǵary qaraı