Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Álemge tanymal The Lancet jýrnalynda «QazVac» vaktsınasy týraly maqala shyqty

2021 jyldyń 14 tamyz 2021 13:33

NUR-SULTAN. QazAqparat - The Lancet jýrnalynda «QazVac» vaktsınasy týraly maqala jarııalandy. Bul týraly Bilim jáne ǵylym mınıstri Ashat Aımaǵambetov jelide jazdy, dep habarlaıdy QazAqparat.

«EClinicalMedicine published by The Lancet jýrnaly otandyq «QazVac» vaktsınasyn klınıkalyq zertteýdiń 1-2 fazasynyń nátıjeleri týraly maqalany qabyldap, elektrondyq nusqasyn basyp shyǵardy. Bıologııalyq qaýipsizdik problemalarynyń ǵylymı-zertteý ınstıtýtynyń ǵalymdaryn maqalanyń jarııalanýymen quttyqtaımyn!», - dedi mınıstr.




Aıta keteıik, ótken jyldyń naýryz aıynda elimizde koronavırýs indetine baılanysty qatań karantındik sharalar qabyldanǵan bolatyn. Sol kezde Memleket basshysy Qasym-Jomart Toqaev elimizdiń Bıologııalyq qaýipsizdik máseleleri jónindegi ǵylymı-zertteý ınstıtýtynyń ǵalymdary aldyna vırýsqa qarsy vaktsınany shuǵyl ázirleý tapsyrmasyn júktegeni de este. Al búginde ǵalymdarymyz qysqa ǵana ýaqyttyń ishinde ázirlegen otandyq «QazVac» vaktsınasy adamdarǵa egilip jatqany belgili.

QazVac vaktsınasy - QR Bilim jáne ǵylym mınıstrliginiń Bıologııalyq qaýipsizdik máseleleri jónindegi ǵylymı-zertteý ınstıtýty ázirlegen COVID-19-ǵa qarsy belsendiligi joıylǵan vaktsına.

Inaktıvtendirilgen vaktsına dástúrli jáne tıimdi bolyp sanalady, ony daıyndaý tehnologııasy kúrdeli emes ári vaktsınalardyń basqa túrlerine qaraǵanda qaýipsiz. Sondyqtan qazaqstandyq ǵalymdar ınaktıvtendirilgen vaktsına jasaý týraly sheshim qabyldady.

Jaqynda Bıologııalyq qaýipsizdik máseleleri ǵylymı-zertteý ınstıtýtynyń bas dırektory Kúnsulý Zákarııa QazVac vaktsınasynyń tıimdiligi týraly pikir bildirdi.

Maman QazVac vaktsınasyna jasalǵan synaqtyń III fazasy ekpeniń tıimdiligin kórsetkenin aıtady.

The Lancet –jalpy medıtsınalyq aptalyq jýrnal. Medıtsına boıynsha eń tanymal ári bedeldi jýrnal bolyp sanalady. The Lancet 1983 jyldan beri basylyp keledi.
Joǵary qaraı