Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álemniń 12 elinde turatyn qazaqtarǵa ana tili onlaın oqytylýda

2021 jyldyń 22 jeltoqsan 2021 15:23

NUR-SULTAN. QazAqparat - 2021 jyly Aqparat jáne qoǵamdyq damý, Syrtqy ister mınıstrlikteriniń qoldaýymen «Otandastar qory» álemniń 12 elinde qazaq tilin oqytý boıynsha 31 onlaın synyp ashty, dep habarlaıdy QazAqparat.

Aqparat jáne qoǵamdyq damý mınıstrliginiń málimetinshe, tamyz jáne jeltoqsan aılarynda sabaqtar speaking club (sóılesý klýby) formatynda ótkizildi.

«Bul Túrkııa, Reseı, AQSh, Ulybrıtanııa, Belgııa, Germanııa, Frantsııa, Iran, Qyrǵyzstan, Ýkraına, Mońǵolııa jáne Belarýstegi qazaq dıasporalarynyń 1 391 ókiline 780 onlaın sabaq ótkizýge múmkindik berdi. 336 qatysýshyǵa sertıfıkat berildi.

Sonymen birge qazaq tilin óz betinshe úırený múmkindikterin jasaý maqsatynda 30 onlaın-sabaq YouTube-te shyǵaryldy», delingen habarlamada.

Vedomstvonyń habarlaýynsha, bıyl qandastarmen mádenı-gýmanıtarlyq baılanystardy nyǵaıtýǵa, qazaq halqynyń mádenı murasyn ilgeriletýge baǵyttalǵan basqa da mańyzdy sharalar iske asyrylyp jatyr.

Esterińizge sala keteıik, bıyl Qyrǵyz Respýblıkasynyń astanasynda «Abai üiı» mádenı-iskerlik úıi ashyldy. Osylaısha, mádenı-iskerlik úıler jumys isteıtin elder sany altaý boldy: Túrkııa, Germanııa, Ýkraına, Reseı, Ózbekstan jáne Qyrǵyzstan.

Qazaqstan Táýelsizdiginiń 30 jyldyǵyna oraı Aqparat jáne qoǵamdyq damý, Syrtqy ister mınıstrlikteriniń qoldaýymen «Otandastar qory» men Dúnıejúzi qazaqtary qaýymdastyǵy uıymdastyrǵan Qazaqtardyń kishi quryltaıy erekshe mańyzdy boldy. Kishi quryltaı bıyl qyrkúıek aıynda Ystanbulda ótti.

Sondaı-aq, aǵymdaǵy jyly Qazaqstan-Nemis dostyǵy qaýymdastyǵymen jáne Japonııadaǵy qazaqtar qaýymdastyǵymen yntymaqtastyqty damytý boıynsha 2 memorandýmǵa qol qoıyldy.

Qazaq mádenı ortalyqtarymen, qazaq qaýymdastyqtarymen, shet elderdegi QR mekemelerimen mádenı-gýmanıtarlyq jáne iskerlik baılanystardy damytý jáne keńeıtý maqsatynda 2021 jyly álemniń 20 elinen 4 500-den astam otandastyń qatysýymen 15 is-shara, 20 kezdesý, 4 konferentsııa, 4 onlaın-oflaın joba ótkizildi.


Joǵary qaraı