Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Áleýmettik ámııanǵa» áleýmettik kómekti qabyldaý 1 kúnge deıin qysqartylady

2021 jyldyń 20 qazan 2021 19:18

NUR-SULTAN. QazAqparat - QR Prezıdenti janyndaǵy tsıfrlandyrýdy engizý máseleleri jónindegi komıssııa otyrysynda Saýda jáne ıntegratsııa mınıstri Baqyt Sultanov «áleýmettik ámııandy» engizý boıynsha júrgizilgen jumystar týraly aıtty, dep habarlaıdy QazAqparat.

Mınıstrdiń aıtýynsha, búgingi tańda áleýmettik járdemaqylardy tóleý júıesinde belgili bir kemshilikter bar. Olardyń arasynda proaktıvti esepteý tetiginiń bolmaýy, bereshek nemese tyıym salý bolǵan kezde bank shotyn ashý kezinde shekteý, áleýmettik kómek qarajatyn paıdalaný boıynsha aqparattyń bolmaýy, azamattardyń ózderiniń bank derektemesin usyný kezindegi qatelik, bank komıssııasyn jabýǵa arnalǵan bıýdjettiń joǵary shyǵystary bar.

Osy kemshilikterdi joıý úshin Memleket basshysy 2020 jylǵy 1 qyrkúıektegi Joldaýynda QR Úkimetine QR Ulttyq bankimen birlesip tsıfrlyq «áleýmettik ámııandy» engizý týraly tapsyrma berdi.

Jobanyń negizgi maqsaty - áleýmettik qoldaý quraldaryn jetildirý, bıýdjet qarajatynan bank komıssııalaryna jumsalatyn shyǵystardy ońtaılandyrý arqyly halyqqa nysanaly áleýmettik kómek kórsetý.

«Áleýmettik ámııandy» qurý 2023 jyldan bastap jyl saıyn orta eseppen 15-20%-ǵa deıin bank komıssııasyn jabýǵa arnalǵan bıýdjet shyǵysyn ońtaılandyrýǵa múmkindik beredi.

«Júıeni qurýdyń basty artyqshylyǵynyń biri – áleýmettik kómekti 1 jumys kúnine deıin qabyldaý merzimin qysqartý jáne áleýmettik kómekti taǵaıyndaý kezinde azamattar úshin elektrondy ámııandy dereý ashý.

»Áleýmettik ámııandy« barlyq azamattar úshin olardyń JSN bazasynda ashý josparlanǵan. Bul rette kásipkerlik sýbektileri men saýda obektileri úshin olardyń JSN/BSN bazasynda «bıznes ámııandar« ashylady, sodan keıin ámııandy ekinshi deńgeıdegi bankke tańdaý boıynsha baılaý qajet», delingen habarlamada.

Sondaı-aq, tsıfrlyq ámııan Ulttyq Banktiń jedel tólemder júıesi ınfraqurylymynyń bóligi retinde jumys isteıtin bolady.

Halyq úshin artyqshylyǵy - taýardy/qyzmetti satyp alǵan kezde tólemdi smartfon qosymshasy arqyly nemese SMS rastaý arqyly jasaýǵa bolady.


Joǵary qaraı