Aýa raıy
Astana 13 °S
Almaty 13 °S
valıýta baǵamy
USD 385.96
EUR 423.78
RUB 6.03
CNY 54.16

Áleýmettik kómek: 70 myń otbasynyń ótinishi qaralyp jatyr

2019 jyldyń 23 tamyz 2019 16:57

NUR-SULTAN. QazAqparat –70 myń otbasynyń ataýly áleýmettik kómek boıynsha bergen ótinishi qaralyp jatyr. Bul týraly Premer-Mınıstrdiń orynbasary Berdibek Saparbaev aıtty, dep habarlaıdy QazAqparat tilshisi.

«Eńbekke jaramdy adam shamasy kelip tursa jumys isteýi kerek. Barlyq memlekettik qoldaý men kómek, áleýmettik sharalar shynynda da, muqtaj adamǵa kórsetilýi tıis. Alaıda, ókinishke qaraı, buǵan deıin aıtqanymyzdaı, AÁK taǵaıyndaý kezinde keıbir azamattardyń óz tabysyn jasyrý fak tilerin kóp kezdestirdik. Máselen, tabysy 200 myń nemese 300 myń teńge adamdar óz aılyǵyn 40 myń teńge dep kórsetken», - dedi Berdibek Saparbaev Úkimettiń baspasóz ortalyǵynda.

Vıtse-premer Eńbek jáne halyqty áleýmettik qorǵaý mınıstrliginiń qyzmetkerleri turaqty monıtorıng jumystaryn júrgizip otyrǵanyn, eńbek resýrstary boıynsha ortalyqqa jumys isteıtin barlyq qazaqstandyq týraly málimet túsip jatqanyn aıtyp berdi.

«Osynyń negizinde kez kelgen azamattyń aılyǵyn aıqyndap, bilip otyrmyz. Otbasy múshelerine shaqqandaǵy tabystaryn anyqtaımyz. Otbasyndaǵy jan basyna shaqqanda kúnkóris mınımýmynan 70 paıyzǵa asa ma – solarǵa AEK beriledi. Biraq, ókinishke qaraı, qazirgi tańda mundaı otbasylardyń sany Qazaqstan boıynsha 70 myńnan asady (...) Osy 70 myń otbasynyń shynaıy tabysyn pysyqtaý baǵytynda jergilikti bılik organdarymen jumys júrgizip jatyrmyz. Elbasy da, Memleket basshysy aıtqandaı « kómek naǵyz muqtaj adamdarǵa berilýi kerek »,- dedi Berdibek Saparbaev.

Sondaı-aq, ol muqtajdyq pen masyldyqty ajyrata bilý qajettigi týraly aıtty.

«Eger biz osyny paıdalanyp, jumys istemeı masyl bolyp ketsek, bárimiz masyl bolyp ketsek, bolashaǵymyz qalaı bolady. Jastardy qalaı tárbıeleımiz. Sondyqtan, bul jerde masyldyq bolmaýy kerek», - dep atap ótti v ıtse-premer.

Joǵary qaraı