Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Áleýmettik tólemderge arnalǵan bıýdjet shyǵystary qaı kólemde artady

2019 jyldyń 12 qyrkúıek 2019 13:20

NUR-SULTAN. QazAqparat – Aldaǵy úsh jyldyq kezeńde áleýmettik bloktyń shyǵystary 18,2 trln teńgeni quramaq.

Bul týraly Parlament Májilisinde «2020-2022 jyldarǵa arnalǵan respýblıkalyq bıýdjet týraly» zań jobasyn tanystyrý barysynda QR birinshi qarjy vıtse-mınıstri Berik Sholpanqulov málim etti, dep habarlaıdy QazAqparat tilshisi.

«Respýblıkalyq bıýdjettiń shyǵystary 2020 jyly aǵymdaǵy jyldyń josparymen salystyrǵanda 809 mlrd. teńgege ósip, 12,7 trln.teńgeni quraıdy (2021 jyly - 13,2 trln teńge, 2021 jyly – 13,6 trln teńge). Bıýdjettiń áleýmettik baǵyty saqtaldy. Úsh jyldyq kezeńde áleýmettik bloktyń shyǵystary 18,2 trln teńgeni quraıdy, onyń ishinde 2020 jylǵa 5,7 trln teńge nemese shyǵystardyń jalpy kóleminiń 44,7 paıyzy. 2022 jylǵa qaraı bul kórsetkish 47,6 paıyzdy quraıdy», - dedi B. Sholpanqulov.

Áleýmettik shyǵystardyń negizgi úlesi áleýmettik qamsyzdandyrýǵa jáne el azamattaryna áleýmettik kómek kórsetýge keledi. Máselen, josparlanǵan kezeńde osy baǵytqa 11 trln teńge josparlanǵan, onyń ishinde 3,4 trln teńge 2020 jylǵa tıesili. Atalǵan shyǵystardyń eleýli úlesin áleýmettik tólemder quraıdy, oǵan úsh jyldyq kezeńge 10,7 trln teńge, onyń ishinde 2020 jyly – 3,3 trln teńge kózdelgen. 2019 jylǵy deńgeıge qaraǵanda áleýmettik tólemderge arnalǵan shyǵystar 304,4 mlrd teńgege ulǵaıdy.


Avtor Rýslan Ǵabbasov
Basty sózder: Parlament, Bıýdjet, Qarjy,
Joǵary qaraı