Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Áleýmettik jelide tilge qatysty balalar baıqaýy uıymdastyrylýda

2020 jyldyń 8 maýsym 2020 22:30

NUR-SULTAN. QazAqparat – Sh. Shaıahmetov atyndaǵy «Til-Qazyna» ortalyǵy jasóspirimder arasynda baıqaý uıymdastyryp jatyr, dep habarlaıdy QazAqparat.

Baıqaýdyń maqsaty - tuǵyrly ana tilimizdiń qudiretin tanytý, barsha qazaqstandyqtardy biriktirýshi faktor retindegi rólin nasıhattaý, onyń sulý áýezdiligin boıymyzǵa sińirý, kórkem de aıshyqty túrde beıneleý, jas urpaqtyń boıynda óz týǵan tili úshin maqtanysh sezimin oıatý.

Sonymen qatar, balalardy týǵan tiline degen qurmet sezimine baýlý, ulttyq nyshandarymyz arqyly ultjandy tulǵa tárbıeleýge yqpal etý bolyp otyr.

«Úmitker áleýmettik jelidegi tirkelgen paraqshalarynda, qazaq tilinde, basqa avtorlardyń memlekettik tildiń mártebesi týraly shyǵarmalaryn nemese osy taqyryptaǵy óz poezııalyq týyndysyn beınebaıan jasap jatqa oqyp, #tilqazyna, #tilulttynqazynasy dep tegteýi kerek», - dedi ortalyqtan.

Qatysýshylarǵa tómendegishe talaptar qoıylady:

- Baıqaýǵa 7-12 jas aralyǵynda balalar ǵana qatysa alady.

- Oqylatyn shyǵarma eki shýmaqtan, on eki joldan aspaýy mindetti.

Úmitker shyǵarmany (shyǵarmasyn) áleýmettik jelidegi óz paraqshasynda beınebaıan jasap oqyp, Qazylar alqasy baǵalaý kezinde myna jáıtterdi eskeredi:

- shyǵarmany tańdaýy, taqyrypqa saı kelýi, kórkem mazmuny;

- tól týyndyǵa da osyndaı talaptar qoıylady;

- shyǵarmany oqý kezindegi ártistik sheberligi;

- beınebaıandy túrli tehnıkalyq tásildermen kórkemdeı alýy, qosymsha mýzykamen árleýi;

- shyǵarmanyń, tól týyndynyń kórsetilgen joldan aspaýy;

- paraqshadaǵy beınebaıandy kórýshiler sany.

Chellendj sıpatyndaǵy baıqaý jeńimpazy arnaıy dıplommen jáne arnaýly syılyqpen marapattalady.

Aıan Bekenuly


Avtor Aıan Bekenuly
Basty sózder: Til, Qoǵam,
Joǵary qaraı