Aýa raıy
Astana 23 °S
Almaty 31 °S
valıýta baǵamy
USD 412.55
EUR 468.66
RUB 5.79
CNY 58.80

Áleýmettik jelini shýlatqan dáriger vıdeosyna Alekseı Tsoı jaýap berdi

2020 jyldyń 5 shilde 2020 21:54

NUR-SULTAN. QazAqparat - QR Densaýlyq saqtaý mınıstri Alekseı Tsoı áleýmettik jelide keńinen taraǵan Shymkent qalasyndaǵy jekemenshik klınıkanyń dárigeri Aına Bakeevanyń koronavırýsty emdeý hattamasyn qaıta qarastyrý qajettigi týraly vıdeosyna pikir bildirdi, dep habarlaıdy QazAqparat tilshisi.

«Bul vıdeo keńinen taralyp jatyr. Jeke klınıkanyń dárigeri - terapevt-reabılıtolog emdeý jáne asqyný jaǵdaılaryna boljam jasaı kele azamattarymyzdy em alýdan bas tartýǵa shaqyrady. Bul vıdeoǵa qazirdiń ózinde densaýlyq saqtaý júıesi mamandary árqıly pikir aıtyp, Qazaqstannyń túrli óńirleriniń dárigerleri óz oılaryn ortaǵa saldy. Qazirgi ýaqytta Qazaqstanda qoldanylyp jatqan barlyq klınıkalyq hattamalardyń eń aldymen halyqaralyq deńgeıde moıyndalǵanyn, naqtylanǵan ádistemelerdiń qoldanysta ekendigin túsiný óte mańyzdy», - dedi mınıstr Ortalyq kommýnıkatsııalar qyzmetindegi brıfıng barysynda.

Onyń atap ótýinshe, patsıenttermen tikeleı jumys isteıtin dárigerler preparatty qalaı jáne qandaı mólsherde qoldaný kerektigin, kimde asqyný bar ekenin, kimge preparatty qoldanýǵa bolmaıtynyn jaqsy biledi.

«Áriptesterimiz atalǵan dárigermen baılanysyp, sóılesip, dáıekteri men dálelderin tyńdaýǵa, ony ǵylymı qaýymdastyqta talqylaýǵa tyrysqan edi. Ókinishke qaraı, oǵan qońyraý shala almadyq. Áriptesterimiz úıine de bardy. Biraq, baılanysa almadyq. Biraq, biz bul jaıttardy kez kelgen ýaqytta talqylaýǵa daıynbyz», - dedi Alekseı Tsoı.


Joǵary qaraı