Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álibek Qýantyrov Aqtóbe oblysyn damytý jobalary týraly aıtty

2022 jyldyń 25 qańtar 2022 09:49

NUR-SULTAN. QazAqparat – Búgin Úkimet otyrysynda QR Ulttyq ekonomıka mınıstri Álibek Qýantyrov Aqtóbe oblysyn damytýdyń 2022-2025 jyldarǵa arnalǵan jańa keshendi jospary aıasynda atqarylatyn jumystardy atady, dep habarlaıdy QazAqparat tilshisi.

«Aqtóbe oblysynyń keshendi jospary 92 is-sharadan turady. Jospardy iske asyrýdyń jalpy somasy 1,7 trln teńge, onyń ishinde respýblıkalyq bıýdjet – 343,3 mlrd teńge, jergilikti bıýdjet - 165,6 mlrd teńge, jeke ınvestıtsııalar - 1,2 trln teńge. Keshendi jospar aıasynda jańartylatyn energııa kózderin damytý, tsement óndirý zaýytyn, tıtan-tsırkonıı kenderin qaıta óńdeý jónindegi taý-ken baıytý keshenin salý jáne taǵy basqa iri jobalardy iske asyrý kózdelýde. Sonymen qatar, sheteldik ınvestorlardy tarta otyryp, erekshe ındýstrııalyq aımaq qurylatyn bolady. Kóptegen kásiporyndar eksportqa baǵdarlanǵan bolady dep kútilýde», - dedi Á. Qýantyrov.

Onyń aıtýynsha, «Buhara-Oral» magıstraldyq gaz qubyrynyń úshinshi jelisin salý jáne 85 aýyldy gazdandyrý, sondaı-aq Aqtóbe qalasyndaǵy káriz-tazartý qurylystaryn jańǵyrtý ári turǵyn úı qurylysy aýdandarynda ınjenerlik-kommýnıkatsııalyq jeliler salý josparlanýda.

Budan basqa, 1300 shaqyrymnan astam avtomobıl joly jańǵyrtylady. Bul óz kezeginde Aqtóbe qalasynyń «ósý ortalyǵy» jáne elimizdiń batys bóligindegi iri kólik toraby retindegi rólin kúsheıtýge yqpal etetin bolady.

«Densaýlyq saqtaý jáne bilim berý júıeleri qyzmetteriniń qoljetimdiligi men sapasyn arttyrý úshin qazirgi zamanǵy ınfraqurylym qurylatyn bolady. 18 aýylda densaýlyq saqtaý nysany salynady. 224 mektep jańǵyrtylyp, ońaltý ortalyǵy salynady. Sonymen qatar, Aqtóbe qalasynda kolledj stýdentteri úshin eki jataqhana salý josparlanýda», - dedi mınıstr.

Onyń sózine qaraǵanda, keshendi jospardy iske asyrý 2025 jylǵa qaraı negizgi kapıtalǵa salynatyn ınvestıtsııalar ósimi 2,5 eseni nemese 1,5 trln teńgeni quraıdy, ónerkásip kólemi 1,6 esege nemese 1,8 trln teńgeden 2,8 trln teńgege deıin artady, aýyl sharýashylyǵynyń jalpy ónim kólemi 37%-ǵa ósýin qamtamasyz etedi.

Sonymen qatar, 4,3 mln sharshy metr turǵyn úı paıdalanýǵa beriledi, sýmen jabdyqtaý qyzmetterine qoljetimdilik 100%-dy quraıdy.


Joǵary qaraı