Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álıhan Smaıylov BAÁ Premer-Mınıstriniń orynbasarymen telefon arqyly sóılesti

2022 jyldyń 17 qańtar 2022 19:56

NUR-SULTAN. QazAqparat - Qazaqstan Respýblıkasynyń Premer-Mınıstri Álıhan Smaıylov BAÁ Premer-Mınıstriniń orynbasary – Prezıdent isteri jónindegi mınıstri sheıh Mansýr ben Zaıd Ál Nahaıanmen telefon arqyly sóılesti. QazAqparat bul týraly primeminister.kz saıtyna silteme jasap habarlaıdy.

Sheıh Mansýr ben Zaıd Ál Nahaıan Á. Smaıylovty Qazaqstan Respýblıkasynyń Premer-Mınıstri laýazymyna taǵaıyndalýymen quttyqtady.

Mansýr ben Zaıd Ál Nahaıan qańtar oqıǵasy kezinde qaza tapqan qazaqstandyqtardyń otbasylaryna kóńil aıtyp, Qazaqstannyń barsha halqyna beıbitshilik pen órkendeý tiledi.

Taraptar strategııalyq áriptestikti odan ári nyǵaıtýǵa ázir ekendikterin bildirdi.

2021 jyldyń 11 aıynyń qorytyndysy boıynsha QR men BAÁ arasyndaǵy ózara saýda kólemi 673,7 mln dollardy qurady, bul 2020 jyldyń sáıkes kezeńindegi kórsetkishten shamamen 50% artyq jáne 2019 jylǵy pandemııaǵa deıingi deńgeıden edáýir asyp tústi.

Qazaqstanda ámirlikter kapıtalynyń qatysýymen 300-ge jýyq birlesken kásiporyn jumys isteıdi. Qazaqstannyń Táýelsizdik jyldarynda Birikken Arab Ámirlikteriniń QR ekonomıkasyna tikeleı ınvestıtsııa kólemi 2,4 mlrd dollardy qurady, QR-nyń BAÁ-ǵa salǵan ınvestıtsııa kólemi 1 mlrd dollardan asty.

Qazaqstan Premer-Mınıstri Álıhan Smaıylov BAÁ QR-nyń arab álemindegi mańyzdy saýda-ekonomıkalyq seriktesi ekenin atap ótti.

Bıyl Qazaqstan men Birikken Arab Ámirlikteri arasyndaǵy dıplomatııalyq qarym-qatynastyń ornaǵanyna 30 jyl tolady.


Joǵary qaraı