Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álıhan Smaıylov bızneske karantındik shekteýlerdi jeńildetetin is-sharalar ázirleýdi tapsyrdy

2022 jyldyń 25 qańtar 2022 09:32

NUR-SULTAN. QazAqparat – Eldegi epıdemıologııalyq ahýaldy ári qaraı baqylaýda ustaý qajet. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Óńirlerde koronavırýs ınfektsııasy áli de órship tur. Túrkistan oblysynan basqa óńirdiń bári «qyzyl» aımaqta. Vırýstyń eń kóp taralýy Aqmola, Qaraǵandy, Pavlodar oblystarynda jáne astanamyzda tirkelip otyr. Epıdemıologııalyq ahýaldy ári qaraı baqylaýda ustaý qajet», - dedi Úkimet basshysy.

Sonymen qatar Álıhan Smaıylov koronavırýstyń taralýyna jol bermeý jónindegi vedomstvoaralyq komıssııa «Atameken» palatasymen birge Memleket basshysynyń bızneske arnalǵan karantındik shekteýlerdi qaıta qaraý jónindegi tapsyrmasyn eskere otyryp, tısti is-sharalardy ázirleýi kerektigin atap ótti.

«Bıznestiń jumysyna bóget jasamaı, týyndaǵan problemalardy birlesip sheshýimiz kerek. Densaýlyq saqtaý mınıstrligi men ákimdikter vaktsınalaý jáne revaktsınalaý jumystaryn kúsheıtýi tıis», - degen Premer-Mınıstr jalpy baqylaýdy orynbasary Eraly Toǵjanovqa júktedi.


Joǵary qaraı