Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álıhan Smaıylov DDU ókilderimen temekige baqylaýdy kúsheıtý máselesin talqylady

2022 jyldyń 28 mamyr 2022 13:12

NUR-SULTAN. QazAqparat – Úkimet úıinde Qazaqstanda temekige baqylaýdy kúsheıtýdiń ózekti máseleleri talqylandy, dep habarlaıdy QazAqparat primeminister.kz saıtyna silteme jasap.

QR Premer-Mınıstri Álıhan Smaıylov Dúnıejúzilik densaýlyq saqtaý uıymynyń Temekige qarsy kúres jónindegi negizdemelik konventsııasy (DDU TKNK) Hatshylyǵynyń basshysy Adrıana Blanko Markızomen kezdesý ótkizdi.

Taraptar qazaqstandyq zańnamany DDU TKNK standarttaryna úılestirý baǵytynda yntymaqtastyqty damytý, sondaı-aq Qazaqstanda temekige baqylaýdy kúsheıtýdiń ózekti máselelerin talqylady.




Álıhan Smaıylov azamattardyń densaýlyǵyn nyǵaıtý máselesi turaqty nazarda ekenin atap ótti. Qazaqstan Dúnıejúzilik densaýlyq saqtaý uıymynyń ratıfıkatsııadan ótken Temekige qarsy kúres jónindegi negizdemelik konventsııasyn saqtaıdy.

«Bizdiń elimiz Ulttyq zańnama deńgeıinde qaǵıdattardy engize otyryp, DDU mindettemelerin oryndaý baǵytynda eleýli nátıjelerge qol jetkizdi. Júrgizilip jatqan sharalardyń arqasynda halyqtyń ómir súrý uzaqtyǵy artyp, temeki tutyný deńgeıi tómendedi. Qazaqstandyqtar temeki tútini joq ortany qoldaıdy jáne temekiden bas tartqysy keletinderdiń qatary kóbeıip keledi», — dedi Úkimet basshysy.




Óz kezeginde Adrıana Blanko Markızo Qazaqstanda halyqtyń densaýlyǵyn jaqsartý úshin qabyldanyp jatqan is-sharalardy atap ótti.

«Qazaqstanda 2022 jyl keleshek urpaqty qoldaý maqsatynda Balalar jyly dep jarııalandy. Qazaqstan saıasatynda densaýlyq máselelerine basymdyq beriletini óte mańyzdy», — dedi DDU ókili.

Kezdesý qorytyndysy boıynsha taraptar yntymaqtastyqty odan ári jalǵastyrýǵa nıetti ekenderin bildirdi.


Joǵary qaraı