Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álıhan Smaıylov densaýlyq saqtaý júıesine aýdıt júrgizýdi tapsyrdy

2022 jyldyń 28 qańtar 2022 17:35

NUR-SULTAN. QazAqparat - QR Premer-Mınıstri Álıhan Smaıylov densaýlyq saqtaý júıesiniń tıimdiligin arttyrý máseleleri jóninde keńes ótkizdi, dep habarlaıdy QazAqparat Úkimettiń resmı saıtyna silteme jasap.

Úkimet basshysy Densaýlyq saqtaý mınıstrligindegi jáne Áleýmettik medıtsınalyq saqtandyrý qoryndaǵy (ÁMSQ) qarajattyń tıimdiligin baqylaýdy úılestirý jáne baǵalaý júıesin synǵa aldy.

2021 jyly densaýlyq saqtaý salasyna jumsalǵan memlekettik shyǵystar 2,3 trln teńgeni nemese JІÓ-niń 2,9%-yn qurady. Bul rette densaýlyq saqtaýǵa arnalǵan respýblıkalyq bıýdjet qarajatynyń 90%-ǵa jýyǵyn ÁMSQ ákimshilendiredi.




Premer-Mınıstr ÁMSQ-nyń barlyq kórsetkishteri tym jalpylanǵan ekenin jáne halyqtyń medıtsınalyq kómekke, sondaı-aq olardy qanaǵattandyrý úshin medıtsınalyq uıymdarǵa degen naqty qajettiligin aıqyn kórsetpeıtinin atap ótti.

Osyǵan baılanysty Á. Smaıylov Qor qyzmetin baqylaý men qarajatty tıimdi jumsaý ındıkatorlarynyń naqty júıesin ázirleýdi tapsyrdy.

«Búginde óńirlerdegi medıtsınalyq qyzmetterdiń 100%-y Qordan qarjylandyrylady, bul halyqqa medıtsınalyq kómek kórsetýdi uıymdastyrý jaýapkershiliginiń tómendeýine alyp keledi. Bul, ásirese, ótken jyldyń sońynda Almaty jáne Jańaózen qalalarynda jedel medıtsınalyq kómek qyzmetin qarjylandyrý jáne uıymdastyrý máseleleri týyndaǵan kezde oryn aldy», — dep Á. Smaıylov, tegin medıtsınalyq kómektiń kepildik berilgen kólemin (TMKKK) qarjylandyrýdy kezeń-kezeńimen jergilikti deńgeıge bere bastaýdy tapsyrdy.

Úkimet basshysy ÁMSQ memlekettik qarajatty ákimshilendirýdi birtindep toqtatyp, saqtandyrý medıtsınasyn damytý máselelerine jáne qarjylandyrýdyń qosymsha kózderin izdeýge basa kóńil bólýi qajet ekenin atap ótti.

Premer-Mınıstr az ýaqyt ishinde densaýlyq saqtaý ınfraqurylymyna táýelsiz keshendi tehnıkalyq aýdıt jáne túgendeý júrgizýdi, onyń ishinde jabdyqtarmen jáne medıtsınalyq-tehnologııalyq júıelermen jaraqtandyrýdy, ana men bala, onkologııa, travmatologııa, kardıo-, neırohırýrgııa, ınfektsııalyq aýrýlar sııaqty basym baǵyttar boıynsha óńirlerdiń medıtsınalyq ınfraqurylymyn damytý kartasyn ázirleýdi tapsyrdy.

Á. Smaıylov medıtsınalyq personaldy dıplomnan keıingi oqytý baǵdarlamasyn ázirlep, densaýlyq saqtaý júıesin zamanaýı jabdyqta jumys isteı alatyn jáne jańa tehnologııalardy ıgere alatyn kadrlarmen qamtamasyz etý qajettigin atap ótti.

Úkimet basshysy Densaýlyq saqtaý mınıstrligine ýákiletti organdarmen birlesip, az ýaqyt ishinde salany basqarý, ınvestıtsııalyq josparlaý, qarjylandyrý jáne bıýdjetaralyq qatynastar júıesin jetildirý boıynsha sharalar qabyldaýdy tapsyrdy.

«Basty mindet – tıimdi densaýlyq saqtaý júıesin qalyptastyrý. Barlyq usynystar ázirlenip jatqan jáne jýyq arada bekitiletin Úkimettiń 2022 jylǵa arnalǵan is-qımyl josparyna engizilýi tıis», — dedi Á. Smaıylov.


Joǵary qaraı