Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Álıhan Smaıylov Shveıtsarııa elshisimen temirjol salasyndaǵy yntymaqtastyqty talqylady

2022 jyldyń 25 naýryz 2022 16:25

NUR-SULTAN. QazAqparat – QR Premer-Mınıstri Álıhan Smaıylov Shveıtsarııa elshisi Davıd Grıftıngpen kezdesip, temirjol salasyndaǵy strategııalyq yntymaqtastyq máselelerin talqylady. QazAqparat bul týraly primeminister.kz saıtyna silteme jasap.


Kezdesýge sonymen qatar Qazaqstannyń memlekettik organdarynyń, «QTJ» UK» AQ-nyń ókilderi jáne shveıtsarııalyq Stadler Bussnang AG kompanııasynyń basshylary qatysty.

Eske sala keteıik, 2021 jylǵy 29 qarashada Jenevada ótken ınvestıtsııalyq dóńgelek ústel otyrysy aıasynda Qazaqstan men Shveıtsarııa Prezıdentteriniń qatysýymen ártúrli salalarda birqatar kommertsııalyq kelisimge qol qoıyldy.

Búgingi kezdesý barysynda QR Premer-Mınıstri Álıhan Smaıylov qazirgi qubylmaly ahýalǵa qaramastan, Qazaqstannyń tranzıttik múmkindikterine ulttyq, jahandyq deńgeılerde qyzyǵýshylyq baıqalyp otyrǵanyn, kólik-logıstıka qyzmetterine degen suranystyń artyp kele jatqanyn atap ótti.




Á. Smaıylov qazaqstandyq mashına jasaý salasy ulttyq ekonomıkanyń áleýeti zor salalarynyń biri ekenin jáne ony jergilikti deńgeıde damytý úshin tıisti múmkindikterdiń bar ekenin jetkizdi.

«QTJ» UK» AQ jyljymaly quramdy jańartý boıynsha josparly jumys júrgizip jatyr. Olardyń tozýy shamamen 60 paıyzdy quraıdy, sondyqtan olardy birtindep jańartýymyz kerek. Bul joba biz úshin, ásirese Qazaqstandaǵy jergilikti óndiristi keńeıtý turǵysynan óte mańyzdy», — dedi QR Premer-Mınıstri.
Shveıtsarııa tarapynyń ókilderi «Made in Kazakhstan» zamanaýı jyljymaly temirjol quramynyń álemdik sapa standarttaryna sáıkes keletin óndirisin jolǵa qoıýǵa, personaldy oqytýdy qamtamasyz etýge, jergiliktendirý jónindegi talaptardy saqtaý boıynsha mindettemelerdi oryndaýǵa daıyn ekendikterin jáne Qazaqstandy osy aımaqtaǵy negizgi alań retinde kórgisi keletinderin aıtty.




Kezdesý qorytyndysy boıynsha Premer-Mınıstr Álıhan Smaıylov Qazaqstan Respýblıkasynyń temirjol salasyndaǵy jáne basqa da salalardaǵy strategııalyq yntymaqtastyqty damytýǵa múddeliligin rastady.


Joǵary qaraı