Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Álıhan Smaıylov: Taýarlardy baqylaý ulttyq júıesi engiziledi

2021 jyldyń 23 qyrkúıek 2021 18:04

NUR-SULTAN. QazAqparat – Taýarlardy baqylaý ulttyq júıesi engiziledi. Bul týraly Úkimet úıinde ótken brıfıngte QR Premer-Mınıstriniń birinshi orynbasary Álıhan Smaıylov aıtty, dep habarlaıdy QazAqparat tilshisi.

«Memleket basshysynyń tapsyrmasyn oryndaý úshin Úkimet elimizdiń shekarasy arqyly zańsyz saýda-sattyqa qarsy is-qımyl keshendi josparyn bekitti. Taýarlardy baqylaý ulttyq júıesi engiziledi. Salyqtyq jáne kedendik ákimshileýdi tsıfrlandyrý tereńdetiledi. Jalǵan tranzıt aǵynyn monıtorıngileý jáne qysqartý úshin navıgatsııalyq plombany engizý keńeıtiledi»,- dedi ol.

Birinshi vıtse-premerdiń atap ótýinshe, taýarlarǵa arnalǵan dekalartsııalardy shyǵarý jáne baqylaý bóliginge kedendik qyzmet ortalyqtandyrylǵan. Málimetterdi saraptaý úshin jasandy ıntellekti tehnologııasy da engizilip jatyr. Halyqaralyq tájirıbeni eskere otyryp, qashyqtan ózara is-qımylǵa negizdelgen iri bıznesti kólbeý monıtorıngileý jobasy qolǵa alynǵan.

«Shetelge kapıtaldy jylystatýǵa qarsy is-qımyl jáne ekonomıkany deoffshorlandyrý boıynsha keshendi jumys júrgizilý ústinde. Málimetterdi elektrondy túrde almasý úshin EYDU-men kópjaqty konventsııaǵa qol qoıyldy. Tolyqtaı alǵanda usynylǵan is-sharalar memlekettik bıýdjet kirisin arttyrýǵa baǵyttalǵan», - dedi Álıhan Smaıylov.


Avtor Marlan Jıembaı
Basty sózder: QR Úkimeti, Ekonomıka,
Joǵary qaraı