Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatadaǵy atys: Qaza tapqan polıtseılerdiń otbasyna úı beriledi

2021 jyldyń 21 qyrkúıek 2021 13:50

ALMATY. QazAqparat - QR Іshki ister mınıstrdiń orynbasary Murat Baımuqashev qaza bolǵan polıtsııa qyzmetkerleri Darhan Súleev pen Nurbol Baıǵazıevtiń otbasyna keldi, dep habarlaıdy QazAqparat tilshisi.

ІІM basshylyǵy, ishki ister organdarynyń jeke quramy atynan qyzmettik mindetin oryndaý kezinde qaza tapqan polıtsııa qyzmetkerleriniń týystary men jaqyndaryna kóńil aıtty.

Іshki ister mınıstriniń qoldaý haty boıynsha Almaty qalasynyń Ákimdigi qaza tapqan polıtsııa qyzmetkerleriniń otbasylaryna turǵyn úı beredi.

Sonymen qatar, Іshki ister mınıstriniń buıryǵymen tártip pen zańdylyqty sońyna deıin kúzetken ýchaskelik ınspektorlar «Quqyq tártibin qamtamasyz etýge kosqan úlesi úshin» medaldarymen marapattaldy.

Alataý aýdandyq PB JPQB ýchaskelik ınspektory, polıtsııa maıory Súleev Darhan Daýylbaıuly, 1982 jyly týǵan, QR ІІM Almaty Akademııasynyń Magıstratýrasyn bitirgennen keıin 2003 jyldan bastap ishki ister organdarynda qyzmet etti. 2021 jyldyń tamyzynda ýchaskelik ınspektor laýazymyna taǵaıyndalǵan edi. ІІO qyzmet etken jyldar ishinde ol 6 marapatqa ıe boldy, onyń ishinde «Іshki ister organdaryndaǵy minsiz qyzmeti úshin» 3-dárejeli medalimen, sondaı-aq, «Qazaqstan polıtsııasyna 25 jyl» tósbelgisimen marapattaldy.

Úılengen, kámeletke tolmaǵan bes balasy bar.

Alataý aýdandyq PB JPQB ýchaskelik ınspektory, polıtsııa kapıtany Baıǵazıev Nurbol Nazarbaıuly, 1988 jyly týǵan, ishki ister organdarynda 2014 jyldan beri qyzmet etken. Ol 13 marapatqa ıe boldy, onyń ishinde «Úzdik qutqarýshy jaýynger» jáne «Qazaqstan polıtsııasyna 25 jyl» tósbelgilerimen marapattaldy.

Úılengen, kámeletke tolmaǵan eki balasy bar.

Buǵan deıin Almaty qalasynyń ákimi Baqytjan Saǵyntaev olardyń otbasyna tıisti kómek kórsetiletini týraly aıtqan bolatyn.
Keıinirek Jeke sot oryndaýshylarynyń palatasy oqıǵaǵa qatysty túsinikteme berdi.
Aıta keteıik, osyǵan deıin Almatyda atys bolyp, 5 adamnyń qaza tapqanyn habarlaǵan bolatynbyz.
Atalǵan jaǵdaı boıynsha sotqa deıingi tergeý amaldary bastaldy. Kináli adam 20 jylǵa deıin nemese ómir boıyna bas bostandyǵynan aıyrylýy múmkin.
Avtor Alma Muqanova
Basty sózder: Almaty, Oqıǵa,
Joǵary qaraı