Almaty ákimdigi ǵımaratyna kelgen shyǵyn - 20 mlrd teńge
ALMATY. QazAqparat - Almaty ákimdigi ǵımaratyna 20 mlrd teńgeniń shyǵyny keltirildi. Bul týraly Almaty ákiminiń orynbasary Іlııas Óserov qalanyń tynys-tirshiligin qalpyna keltirý jónindegi qalalyq shtab otyrysynda aıtty, dep habarlaıdy QazAqparat tilshisi.
Onyń aıtýynsha, Almatyda jappaı tártipsizdik kezinde kelgen shyǵyn eseptelip jatyr.
Aldyn ala esep boıynsha shyǵyn kólemi - 112,6 mlrd teńge. Onyń 67 mlrd teńgesi bıznes sýbektilerine tıesili.
Almatydaǵy búlikten keıin 240 nysan zardap shekti.
Basym bóligi esik- terezesin aýystyrýdy qajet etedi jáne jartylaı órtengen nysandar bar.
Onyń 27-i - memlekettik mekeme ǵımaraty, 216-y - shaǵyn jáne orta bıznes nysany.
«Ákimshilik ǵımarattarǵa 22,6 mlrd teńge shyǵyn keldi.Almaty ákimdigi ǵımaratyna - 20 mlrd tańge, prokýratýra ǵımaratyna – 2 mlrd, polıtsııa departamenti men bólimshelerine – 205 mln, ekobeketterge -163 mln, medıtsına nysandaryna – 2 mln teńgeniń shyǵyny kelgen»,- deıdi ol.
