Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty ákimdigi «Meıirim kerýeni» baıqaýyna qoldaý kórsetedi

2021 jyldyń 1 qazan 2021 21:18

ALMATY. QazAqparat - Bul týraly onlaın brıfıng barysynda Almaty qalasy qoǵamdyq damý basqarmasy basshysynyń orynbasary Renat Bekbergenov aıtty, dep habarlaıdy QazAqparat tilshisi.

Ol kóptegen almatylyqtardyń ıgi isterden tys qalmaıtynyn jáne megapolıstiń damýyna úlken úles qosatynyn atap ótti.

«Dál osyndaı adamdar bizdiń qoǵam úshin asa mańyzdy jáne qajet. Olardyń bastamamen shyqpaıtyny jáne konkýrsqa óz kandıdatýralaryn usynbaıtyny túsinikti, sondyqtan biz óz tarapymyzdan jáne «Meıirimdiler klýbymen» belsendi azamattyq ustanymy bar laıyqty úmitkerlerdi irikteýge kómektesemiz», - dedi Renat Bekbergenov.

Jıynǵa qatysýshylar «Meıirim kerýeni» konkýrsynyń barlyq nomınanttary mádenıettiń damýyna yqpal etetinin, ekologııalyq máselelerdi sheshetinin, áleýmettik kásipkerlikpen aınalysatynyn, janýarlarǵa kómektesetinin, batyldyq tanytatynyn atap ótti.

III «Meıirim kerýeni» baıqaýynyń nomınanty Sofııa Sýıýbaeva jubaıymen birge Túrkistan oblysy Turar Rysqulov aýylynda barlyq analarǵa arnap eskertkish ornatqan.

Eskertkish Tuńǵysh Prezıdent saıabaǵyna qarama-qarsy ornalasqan.

«Bul tek analarǵa arnalǵan eskertkish emes, moraldyq qundylyqtardyń sımvoly jáne týǵan ólkeniń gúldenýine qosqan úles. Eger árkim óz múmkindikterine qaraı jaqsylyq jasasa, jaqsylyqtyń múmkindikteri sheksiz bolady», - dedi S. Sýıýbaeva.

Qoǵamdyq damý basqarmasynyń málimetinshe, baıqaýǵa metsenattar, kásiporyndar ǵana emes, memlekettik qyzmetkerler de qatysa alady.

Mysaly, dárigerlerdiń, polıtseılerdiń, qutqarýshylardyń kandıdatýralary qabyldanady.

Ótken jyly 700 ótinim berildi, bıyl uıymdastyrýshylardyń aldyna eki ese kóp qaıyrymdy jandardy tabý mindeti qoıyldy.

«Meıirim kerýeni» IV baıqaýynyń nomınanttaryn marapattaý 2022 jyly Túrkistan qalasynda ótedi.


Joǵary qaraı