Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty áýejaıy men temirjol vokzaldarynda baqylaý kúsheıtiledi

2021 jyldyń 23 maýsym 2021 12:18

ALMATY. QazAqparat - Almaty qalasy ákiminiń orynbasary Erjan Babaqumarov megapolıstiń aýmaqtyq sanıtarlyq-epıdemıologııalyq baqylaý departamentiniń basshysy, bas sanıtar dáriger Jandarbek Bekshınmen jáne qalalyq qoǵamdyq densaýlyq basqarmasynyń basshysy Narıman Tabynbaevpen birge Almaty halyqaralyq áýejaıy men qala vokzaldarynyń aýmaǵyndaǵy sanıtarlyq epıdemıologııalyq qyzmetterdiń jumysyn tekserdi, dep habarlaıdy QazAqparat tilshisi.

Tekserý barysynda megapolıs aýmaǵyna ınfektsııa taralý jaǵdaılarynyń algorıtmine jáne boldyrmaýdyń aldyn alý jónindegi saqtyq sharalaryna basa nazar aýdaryldy.

QR aýmaǵynda koronavırýs ınfektsııasynyń taralýyn boldyrmaý jónindegi Vedomstvoaralyq komıssııanyń jáne QR Densaýlyq saqtaý mınıstrliginiń elde «Delta» (úndi) shtamynyń aınalymyna qatysty tapsyrmasyn eskere otyryp, jerústi qyzmetterdiń koronavırýs ınfektsııanyń taralýyna qarsy daıyndyǵy, ushý aýmaǵynda ınfektsııa sımtomdaryn anyqtaıtyn jolaýshylar úshin jekelegen ınfektsııalyq bokstardyń jumysy tekserildi.

Áýejaıǵa kire beristegi Ashyq qosymshasy arqyly testileýge de nazar aýdaryldy.

Kúzet qyzmetine orta eseppen áýejaıǵa kire beriste «qyzyl» mártebege ıe eki-úsh jolaýshy tirkelgeni týraly habardar etildi — ınfektsııanyń odan ári taralýyna jol bermeý úshin bul adamdarǵa jedel sharalar qabyldanýda.

Áýejaı bazasynda aeroport bólimsheleri basshylyǵy men ókilderiniń qatysýymen koronavırýs ınfektsııanyń taralýyn boldyrmaý jónindegi qalalyq shtabtyń kóshpeli otyrysy ótti.

Epıdemıologtardyń aıtýynsha, «Delta» shtamy anyqtalǵan shtamdarǵa qaraǵanda 60% juqpaly.

Ortasha alǵanda, bir adamnan 5-6 adam juqtyrady, al aınalymdaǵy basqa shtamdardan - 3-4 adam.

Shtammnyń ınkýbatsııa kezeńi - jeti kún. Ǵalymdardyń zertteýleri koronavırýstyń úndi shtamynda aýrýhanaǵa jatqyzý men ólim-jitim yqtımaldyǵy joǵary ekenin aıtty.

Jandarbek Bekshın úndi shtamynyń sımptomdary úırenshikti shtammdardan ózgeshe ekenin atap ótti.

«Mysaly ıis sezý bolmaýy múmkin. Alaıda, aýrýdyń belgileri baıqalǵan kezde dereý dárigerdi shaqyrýyńyz kerek, óıtkeni jańa shtamm qaýipti. Osyǵan baılanysty qala turǵyndary ózin-ózi emdeýmen aınalyspaýy kerek»,- dedi ol.

Ákimniń orynbasary Erjan Babaqumarov sanıtarlyq-epıdemıologııalyq qorǵaýdyń barlyq sharalaryn kúsheıtýdi, onyń ishinde áýejaı qyzmetkerlerin vaktsınalaýǵa shaqyrdy.

Sondaı-aq áýejaıdy dezınfektsııalaý jumystary jalǵasady.

Aıta ketsek, Almaty epıdemıologtary qaýipti «Delta» shtammynan týyndaýy múmkin koronavırýs ınfektsııasynyń jańa tolqynyn joqqa shyǵarmaıdy.

Dúnıejúzilik densaýlyq saqtaý uıymynyń málimetinshe, 20 maýsymǵa deıin SARS-CoV-2 «Delta» shtamy álemniń 74 elinde anyqtalǵan.


Joǵary qaraı