Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty aýrýhanasynda janjal shyǵarǵan er adamnyń kim ekeni anyqtaldy

2021 jyldyń 27 qyrkúıek 2021 14:45

ALMATY. QazAqparat – Almaty qalalyq Polıtsııa departamenti jedel járdem aýrýhanasynyń qabyldaý bóliminde janjal shyǵarǵan mas adam týraly aıtty, dep habarlaıdy QazAqparat tilshisi.

27 qyrkúıekte túngi saǵat 00:30-dar shamasynda 1997 jyly týǵan azamat mas kúıde qalalyq jedel medıtsınalyq kómek aýrýhanasynyń aýmaǵynda qoǵamdyq tártipti buzyp, bótenniń múlkine zııan keltirdi.

«Atalǵan fakti Qazaqstan Respýblıkasy Qylmystyq kodeksiniń 293-baby «Buzaqylyq» boıynsha Almaly aýdandyq polıtsııa basqarmasynyń sotqa deıingi tergeýdiń biryńǵaı tizilimine tirkeldi. Kúdikti ustaldy. Tergeý bastaldy», - dep habarlady polıtsııadan.

Sh. esimdi azamattyń quqyq qorǵaý organynyń qyzmetkeri emes jáne quqyq qorǵaý júıesine qatysy joq ekendigi anyqtaldy.

«Qazirgi ýaqytta ol esh jerde jumys istemeıdi, buǵan deıin ártúrli quqyq buzýshylyq jasaǵany úshin birneshe ret ákimshilik jaýapqa tartylǵan»,- dep atap ótti qalalyq polıtsııa departamentinen.

Eske salaıyq, mas adamnyń áreketi áleýmettik jelide taraǵan bolatyn.


Avtor Alma Muqanova
Basty sózder: Oqıǵa, Almaty, Qoǵam,
Joǵary qaraı