Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty avtobýstarynda jol júrý aqysy qymbattaýy múmkin

2021 jyldyń 25 qarasha 2021 14:08

ALMATY. QazAqparat- Almatyda qoǵamdyq kólikte jol júrý aqysy kóterilýi múmkin. Bul týraly brıfıng barysynda qala ákiminiń orynbasary Serik Qusaıynov málim etti, dep habarlaıdy QazAqparat tilshisi.

Ákim orynbasarynyń aıtýynsha, tarıfti kóterý – mindet emes, qajettilik.

«Tarıfterdi kóterý qajet. Qazir jol aqysy 80 teńge. Biz tarıfti erteń kóteremiz dep otyrǵan joqpyz. Tarıfti kóteretin bolsaq, qala turǵyndarymen aqyldasatyn bolamyz. Bul óte ózekti másele. Bul suraqqa kóktemde qoǵamdyq talqylaýlardan keıin qaıta oralamyz dep oılaımyn», - dedi Serik Qusaıynov.

Almatyda búginde 2400-den astam qoǵamdyq kólik jumys isteıdi. Onyń ishinde 515 gazben júretin avtobýs, 196 trolleıbýs, 15 elektrobýs jáne 1715 dızeldi avtobýs bar. «Almatyelektrotrans» bıylǵy jáne aldaǵy jyldary gazben júretin 300 avtobýs satyp alýdy josparlap otyr.


Avtor Alma Muqanova
Basty sózder: Almaty, Kólik, Baǵa,
Joǵary qaraı