Almaty avtobýstaryndaǵy «aqyldy» kameralar karantın rejımin buzýshylardy anyqtady
ALMATY. QazAqparat - Almatyda alǵashqy úsh kúnde qoǵamdyq kólikterde ornalastyrylǵan «aqyldy» kameralardyń kómegimen maska rejımi men áleýmettik ara qashyqtyqty buzǵandar anyqtaldy, dep habarlaıdy QazAqparat tilshisi.
«Qoǵamdyq kólikte sanıtarlyq-epıdemıologııalyq erejelerdiń saqtalýyn baqylaıtyn pılottyq joba «Aqyldy» kameralardyń kómegimen alǵashqy úsh kúnde-aq avtobýstardaǵy áleýmettik ara qashyqtyqtyń saqtalmaǵany anyqtaldy. 52 adam betperdesiz bolsa, 89 adam ony durys kımegen. Testileý jalǵasady»,– dep jazdy Instagram-daǵy paraqshasynda Baqytjan Saǵyntaev.
Pılottyq jobanyń jumysy týraly keshe Baqytjan Saǵyntaev Almaty arnasyndaǵy «Akimat Live» tikeleı efırinde aıtqan bolatyn.
