Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almaty avtoparkteri 400-ge jýyq ekologııalyq avtobýs satyp almaq

2021 jyldyń 4 naýryz 2021 17:45

ALMATY. QazAqparat - Almaty ákimi Baqytjan Saǵyntaevtyń tóraǵalyǵymen ótken jolaýshylar tasymaly salasyn damytý jónindegi keńeste qoǵamdyq kólikti jańartý, kadr tapshylyǵyn sheshý jáne jol qozǵalysy qaýipsizdigin arttyrý máseleleri qaraldy, dep habarlaıdy QazAqparat tilshisi.

Ekologııany saýyqtyrý maqsatynda dızeldi avtobýstardy gazben aýystyrý máselesi kezeńmen sheshilýde.

Dızelmen júretin avtobýstar qala mańy baǵyttaryna aýystyrylady.

Tolyq aýystyrýdy aıaqtaý 2025 jylǵa deıin josparlanǵan.

Búgin jolaýshylar tasymaldaý úshin gazben júretin 352 avtobýs, dızeldi otyndaǵy 1373 avtobýs, elektrdiń tartýyndaǵy 14 avtobýs, 160 trolleıbýs jolǵa shyǵyp tur.

Bıyl jeke tasymaldaýshylar ekologııalyq taza janarmaımen júretin 246 avtobýs satyp alýdy josparlap otyr. Onyń 208-i gazben, 38-i elektr tartýymen júredi.

Sonymen qatar, jaqyn arada «Almatyelektrotrans» JShS-niń qalǵan 150 avtobýsy jetkiziledi.

Kólikterdi janarmaımen úzdiksiz qamtamasyz etý úshin avtopark jeke janarmaı beketin iske qosty.

Júrgizýshiler tapshylyǵy máselesin sheshý úshin «Almatyelektrotrans» JShS-da áleýmettik-turmystyq jaǵdaılardy jasap jatyr.

Atap aıtqanda tamaq uıymdastyrylyp, qajetti kıim formalary satyp alynýda. Yntalandyrý úshin syılyq aqshalar tólenýde.

Tek aqpan aıynda ǵana 100 júrgizýshi qabyldandy. Aldaǵy eki aıda taǵy 400 adam jumysqa qabyldanatyn bolady.

Ótken aıda 100 avtobýs jóndeldi, aldaǵy úsh aıda taǵy 90-y iske qosylady, al jyl sońyna deıin qosymsha 100 kólik jóndelip, paıdalanýǵa beriledi.

Bul sharalar jolaýshylarǵa qyzmet kórsetýdi jaqsartyp, kólik baǵyttarynyń sanyn ulǵaıtyp jatyr.

Júrgizýshilerdiń jumysyn baqylaý dıspetcherlik qyzmet arqyly júzege asyrylady. «AET» jeke baǵyttarynda «Sapaly qyzmet» pılottyq jobasy iske qosylady.

Almaty ákimi B. Saǵyntaev qoǵamdyq kólikter tarpynan bolatyn jol-kólik apattarynyń sanyn azaıtý úshin barlyq avtobýstarda beınebaqylaý kameralaryn ornatýdy tapsyrdy.

Budan ózge, polıtsııa departamentine quzyrly memlekettik organdarmen birlesip jelige tehnıkalyq aqaýy bar kólikterdi shyǵarǵandary jáne júrgizýshilerdiń jol erejesin buzǵany, jolaýshylarǵa qyzmet kórsetýde tártip normalaryn saqtamaǵandary úshin avtopark basshylarynyń jaýapkershilikterin kúsheıtý tapsyryldy.

Kezdesýdi qorytyndylaǵan Almaty ákimi jolaýshylar tasymalynyń sapasy men qaýipsizdigin jaqsartý úshin kúndelikti jumys jasaýdy tapsyrdy.

Tsıfrlandyrý deńgeıin kóterý jáne avtoparkterdiń basqarý úrdisterine jańa tehnologııalardy engizý qajet.

Sondaı-aq, jeke avtoparkterdiń jumysyna baqylaýdy kúsheıtý jáne qoǵamdyq kólik aıaldamalaryn qalypty jaǵdaıda ustaý tapsyryldy.


Joǵary qaraı