Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty fontanyndaǵy jaǵdaı: Kináliler qandaı jazaǵa tartylýy múmkin

2021 jyldyń 21 maýsym 2021 16:57

ALMATY. QazAqparat - Almaty polıtsııa departamenti tsırk aldyndaǵy sýburqaqta eki qyz ben áıeldi tok urǵan oqıǵa qandaı bap boıynsha tergelip jatqanyn aıtty, dep habarlaıdy QazAqparat tilshisi.

«Almaty qalasy polıtsııa departamenti bul derekti Bostandyq aýdany PB janyndaǵy polıtsııa bólimi QK-niń 306-baby 2-bóligi «Qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetterdi kórsetý» boıynsha tergeıtinin habarlaıdy»,- delingen polıtsııa taratqan aqparatta.

Aıta keteıik, bul bap bes myń aılyq eseptik kórsetkishke deıingi mólsherde aıyppul salýdy, ne sol mólsherde túzeý jumystaryn, ne bir myń eki júz saǵatqa deıingi merzimge qoǵamdyq jumystarǵa tartýdy, ne bes jylǵa deıingi merzimge bas bostandyǵyn shekteýdi, ne úsh jylǵa deıingi merzimge belgili bir laýazymdardy atqarý nemese belgili bir qyzmetpen aınalysý quqyǵynan aıyra otyryp ıa onsyz, sol merzimge bas bostandyǵynan aıyrýdy kózdeıdi.

Eske salaıyq, 19 maýsym kúni Almaty tsırki mańyndaǵy fontanda birneshe adamdy toq soqty.

Qazir zardap shekkender aýrýhanada jatyr. Olardyń bireýiniń jaǵdaıy óte aýyr.


Avtor Alma Muqanova
Basty sózder: Almaty, Oqıǵa,
Joǵary qaraı