Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty Indýstrıaldy aımaǵy jańa jobalarmen tolyǵatyn bolady

2021 jyldyń 23 qyrkúıek 2021 18:20

ALMATY. QazAqparat - Almatynyń Indýstrıaldy aımaǵynda 2023 jylǵa deıin tórt jańa óndiristik park pen polıetılendi óńdeý zaýytyn iske qosý josparlanýda, dep habarlaıdy QazAqparat tilshisi.

Bul týraly megapolıs ákimi Baqytjan Saǵyntaevtyń tóraǵalyǵymen ótken Óńirlik úılestirý keńesiniń otyrysy barysynda aıtyldy.

Áleýetti ınvestorlar 2,5 mlrd teńgeden astam ınvestıtsııa salýǵa daıyn, olardyń bir bóligin «Almaty Finance» JShS qarjylandyrady.

Shaǵyn kásipkerlik sýbektileri óndiristik parkterde roll perdelerdi, jıhazdyq skobtardy, gıdravlıkalyq qosalqy bólshekterdi, radıatsııalyq baqylaý salasyndaǵy ólsheý quraldaryn, ashyq sporttyq jabdyqtardy, fanerlerdi, aǵash materıaldaryn, lamınatty, kovrolındy, esik, terezelerdi, as úı men tońazytqysh jabdyqtaryn, kıim, aıaq kıim, toqyma, sondaı-aq as úı, keńse jáne jumsaq jıhazdy shyǵaratyn bolady.

Jańa óndiristik parkterdiń jalpy aýdany 25 myń sharshy metrden asady, munda 760 jańa jumys ornyn qurý josparlanýda.

Almaty ákimdiginiń málimetinshe, Almatyda barlyǵy 11 shaǵyn óndiristik park iske qosyldy, onyń ishinde aýdandardaǵy 5 óndiristik park bar. Olar – «BrotMaster» JShS, «Ala Estate»JShS, Samruk Group JShS, CityBus JShS, AsiaProm Textile JShS, jalpy alańy 17 myń sharshy metrden asady.

Indýstrıaldy aımaqta taǵy 6 shaǵyn óndiristik pakter qurylǵan, olar – «Ala Estate»JShS, «ADS Industries» JShS, «KazStroyTrade» JShS, «D&J Investments & Logistic» JShS, «Qazaq Plast» JShS, «Altyn Daýren Bıznes» JShS, bulardyń jalpy alańy 31,2 myń sharshy metrden astam.

Búginde shaǵyn ónerkásiptik parkter sýsyndar, qurylys materıaldary, qaǵaz ónimderi, dezınfektsııalaýshy zattar, kombınezon, metall konstrýktsııalar, jıhaz, galantereıa, turmystyq hımııa, keńse taýarlary, maskalar men azyq-túlik qaptamalaryn shyǵarady.

Almatyda jańa jobalardy eskere otyryp, 2022 jylǵa qaraı 5,9 mlrd teńge ınvestıtsııa quıylatyn 15 shaǵyn ónerkásiptik park jumys isteıtin bolady, olardyń alańy 73 763 sharshy metrdi quraıdy, osynyń arqasynda bir jarym myńnan astam jumys orny qurylady.

ÓÚK qatysýshylar Almatynyń Indýstrıaldy aımaǵynyń aýmaǵynda polıetılendi óńdeıtin zaýyt qurylysynyń jobasyn qarady. «Best-Plust Products» JShS 2023 jylǵa qaraı jylyna 400 mıllıon dana polıetılen paket shyǵaratyn kásiporyndy iske qosady. 35 jumys ornyn ashý josparlanýda. Kompanııa qaldyqtardy qaıta óńdeıtin «Green Recycle» zaýytymen polıetılen qaldyqtaryn jınaý tjónindegi memorandýmǵa qol qoıdy. Óndiristegi qaıta óńdeletin polıetılennen jasalatyn ónimniń úlesi 30%-ǵa deıin bolady.


Joǵary qaraı