Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty qalasy Turǵyn úı saıasaty basqarmasynyń basshysy taǵaıyndaldy

2021 jyldyń 15 maýsym 2021 12:41

ALMATY.QazAqparat- Almaty qalasynyń ákimi Baqytjan Saǵyntaevtyń ókimimen Danııar Qyryqbaev Almaty qalasy Turǵyn úı saıasaty basqarmasynyń basshysy qyzmetine taǵaıyndaldy, dep habarlaıdy QazAqparat tilshisi.

Danııar Qyryqbaev 1986 jyly 29 sáýirde týǵan. ál-Farabı atyndaǵy Qazaq ulttyq ýnıversıtetin, І. Jansúgirov atyndaǵy Jetisý memlekettik ýnıversıtetin támamdaǵan. Ekonomıka jáne bıznes magıstri.

Eńbek jolyn 2007 jyly bank salasynda bastady. 2007-2009 jyldary – «Jolaýshylar tasymaly» AQ-da jumys istedi. 2009 jyly – «Kazsatnet» AQ Basqarmasy tóraǵasynyń keńesshisi. 2009-2013 jyldary Qazaqstan Respýblıkasynyń Bas prokýratýrasynda, Qazaqstan Respýblıkasy Parlamenti Senatynyń apparatynda jumys istedi.

2013 jyldan bastap sot júıesinde jumys isteıdi. 2016-2019 jyldary Almaty qalasy boıynsha sottar ákimgeriniń basshysy boldy.

Qazirgi taǵaıyndaýǵa deıin ol «Azamattarǵa arnalǵan úkimet» Memlekettik korporatsııasy» KEAQ Almaty fılıalynyń dırektory bolyp qyzmet etti.


Avtor Alma Muqanova
Basty sózder: Taǵaıyndaý, Almaty, Turǵyn úı,
Joǵary qaraı