Aýa raıy
Astana -25 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Almaty qalasynyń densaýlyq saqtaý júıesi naýqastardy qabyldaýǵa daıyn - Baqytjan Saǵyntaev

2020 jyldyń 3 jeltoqsan 2020 16:12

ALMATY. QazAqparat - Almaty ákimi Baqytjan Saǵyntaev qalalyq densaýlyq saqtaý júıesi koronavırýsqa qatysty jaǵdaı nasharlaǵan jaǵdaıda naýqastardy qabyldaýǵa daıyn dep sendirdi, dep habarlaıdy QazAqparat tilshisi.

«Jalpy alǵanda, qalanyń barlyq emdeý mekemelerinde tósek-oryn jetkilikti. Búgingi kúni qosymsha 7 myńnan astam oryn daıyndaldy, 5 myńnan astam tósek–oryn rezervte tur. Búgingi kúni onyń 34%-y ǵana bos emes. 255 reanımatsııalyq tósek bar. Qazir onyń 60-tan astamy qoldanysta. Qalǵany rezervte. Dári-dármekte jetedi», - dedi shahar basshysy Almaty Invest forýmynda.

Sondaı-aq, ol zamanaýı ári sapaly medıtsınalyq qural-jabdyqtardyń satyp alynǵanyn tilge tıek etti. Medıtsınalyq personaldyń kadrlyq rezervi 2 myńnan astam adamdy quraıdy.

«Eger jaǵdaı qıyndasa, qalanyń densaýlyq saqtaý júıesi naýqastardy qabyldaýǵa daıyn dep sendire alamyn», - dedi ákim.


Joǵary qaraı