Aýa raıy
Astana 30 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Almaty qarjy polıtsııasynyń burynǵy basshysy Ámirhan Amanbaevqa qatysty úkim kúshin joıdy

2020 jyldyń 1 shilde 2020 12:51

ALMATY. QazAqparat - QR Joǵarǵy Soty Almaty qalasy qarjy polıtsııasynyń burynǵy basshysy Ámirhan Amanbaevqa qatysty úkimdi qaıta qarady, dep habarlaıdy QazAqparat tilshisi.

«QR Joǵarǵy Sottyń qylmystyq ister jónindegi sot alqasy 2020 jylǵy 30 Maýsymda kassatsııalyq tártip boıynsha Amanbaevqa qatysty qylmystyq isti qaıta qarady, ol 2017 jylǵy 22 aqpandaǵy sot úkimimen 14 jylǵa bas bostandyǵynan aıyrylǵan bolatyn. Joǵarǵy Sottyń kassatsııalyq ınstantsııasy sottyń Amanbaevqa qatysty úkimi kinásizdik prezýmptsııasynyń konstıtýtsııalyq prıntsıpin buzatynyn anyqtady»,– dedi QR Joǵarǵy Sottyń baspasóz qyzmetiniń jetekshisi Aıdos Sádýaqasov.

Sottyń baspasóz qyzmetiniń málimetinshe, Amanbaevqa uıymdasqan top qurý jáne ony basqarý, qylmystyq qoǵamdastyqqa qatysý, jalǵan kásipkerlikke járdemdesý, asa iri mólsherde para alý jáne aqshany zańdastyrý jóninde taǵylǵan aıyptaýlary basqa sottalýshynyń jaýaptaryna ǵana negizdelgen. Ol adamnyń is boıynsha aıǵaqtary qandaı da bir basqa materıaldarmen, qujattarmen, zattaı dáleldemelermen, jedel-izdestirý sharalarynyń nemese jasyryn tergeý áreketteriniń nátıjelerimen rastalmaıdy.

Osyǵan baılanysty Joǵarǵy sot alqasy Amanbaevqa qatysty úkim kúshin joıyp, qylmystyq quqyqbuzýshylyq quramynyń bolmaýyna baılanysty isti toqtatty.

Eske salaıyq, 2017 jyldyń aqpan aıynda Ámirhan Amanbaev jáne basqa da aıyptalýshylar sottalǵan bolatyn. Basty sot protsesi úsh jarym aıdyń ishinde aıaqtaldy, is boıynsha 260 kýágerden jaýap alyndy. Іstiń kólemi 1340 tomdy qurady.


Avtor Alma Muqanova
Basty sózder: Almaty, Sot, QR Joǵarǵy soty,
Joǵary qaraı