Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty koronavırýs boıynsha «jasyl» aımaqta: Karantın qashan jeńildetiledi

2021 jyldyń 12 maýsym 2021 23:00

ALMATY. QazAqparat – Almaty koronavırýs boıynsha epıdemıologııalyq ahýaldy baǵalaý matrıtsasynda «jasyl» aımaqqa ótti. Alaıda, qalada karantındik shekteýler 20 maýsymǵa deıin saqtalady, dep habarlaıdy QazAqparat.

«Bul jaǵdaı («sarydan» «jasyl» aımaqqa ótý – red.) 100 myń adamǵa shaqqandaǵy indettiń 48.1-ge deıin tómendeýine baılanysty, ınfektsııa ındeksi 0.76-ǵa turaqtandy. Epıdemıologııalyq jaǵdaıdyń turaqtanýy (16%-dan astam) shekteý sharalarynyń qabyldanýy jáne turǵyndardyń vaktsına alýynyń arqasynda bolyp otyr», - dedi qalanyń Sanıtarııalyq-epıdemıologııalyq baqylaý departamentinen.

Bul rette, vedomstvodan málim etkendeı, bıylǵy 20 maýsymǵa deıin matrıtsanyń «sary» aımaǵyna sáıkes keletin karantındik shekteýlerdi qatań saqtaýdy jalǵastyrý qajet.

«QR Bas memlekettik sanıtarlyq dárigeriniń buıryǵymen karantındik is-sharalardy jeńildetý «sary» aımaqqa «qyzyldan» nemese «sary» aımaqtan «jasyl» aımaqqa ótkennen keıin 7 kúnnen erte júrgizilmeıdi.

Osyǵan baılanysty karantındik sharalardy jeńildetý týraly Almaty qalasynyń Bas memlekettik sanıtarlyq dárigeriniń tıisti qaýlysy qabyldanatyn bolady», - dep naqtylady departamentten.


Joǵary qaraı