Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty koronavırýstyń qaýipti «Omıkron» jańa shtamyna daıyn ba

2021 jyldyń 30 qarasha 2021 16:00

ALMATY. QazAqparat - Almatynyń medıtsınalyq mekemeleri koronavırýstyń «Omıkron» shtamynyń yqtımal órshýine daıyn ba? degen saýalǵa qalalyq sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova jaýap berdi, dep habarlaıdy QazAqparat tilshisi.

«Barlyq medıtsınalyq uıymdar koronavırýspen kúresýge daıyn. Pandemııa bastalǵannan beri qaladaǵy medıtsınalyq mekemeler men juqpaly aýrýlar aýrýhanalary aýrýdy emdep jatyr. Mamandar birneshe ret oqýdan ótti. «Delta» shtamyna qatysty da, dál osyndaı alańdaýshylyq boldy. Al, daıyndyq únemi júrgizildi. Búgingi tańda Almatyda aýrýhanalardaǵy ınfektsııalyq tósek-oryndar jetkilikti mólsherde ázirlendi. Sondyqtan, bizdiń medıtsına qyzmetkerleri daıyn emes nemese tósek jetispeıdi degen alańdaýshylyq týraly aıtý múmkin emes dep oılaımyn», - dedi Ásel Qalyqova brıfıng barysynda.

Sondaı-aq, ol álemde «omıkron» shtamy anyqtalýyna baılanysty Almatyda shekteý sharalary kúsheıtilýi múmkin ekeni týraly aıtty.

Onyń aıtýynsha, shekteý sharalary Densaýlyq saqtaý mınıstrligi sheshimine sáıkes qabyldanady.

«Shekteýlerge keletin bolsaq, bári koronavırýstyń jańa shtamynyń anyqtalýyna, epıdemıologııalyq jaǵdaıǵa baılanysty. Bul sheshimdi Densaýlyq saqtaý mınıstrligi qabyldaıdy, ol habarlanyp, halyqqa jetkiziledi. Eger qandaı da bir qosymsha shekteý sharalardy Almatyda engizý qajet bolsa, onda da epıdemıologııalyq jaǵdaıǵa qaraı engiziledi», - dedi spıker.


Joǵary qaraı