Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty qoımasynan 90 mln teńgege eseptelgen jaramsyz medıtsınalyq kostıýmder tabyldy

2021 jyldyń 20 sáýir 2021 21:09

ALMATY. QazAqparat - Almatyda 90 mln teńgege satyp alynǵan jeke qorǵanys quraldary qoımada jatyr, dep habarlaıdy QazAqparat tilshisi.

Sybaılas jemqorlyqqa qarsy qyzmet janyndaǵy arnaıy monıtorıngtik top Almatynyń bas sanıtar dárigeri Jandarbek Bekshınniń ótinishi boıynsha qoımada bir jylǵa jýyq saqtalǵan jeke qorǵanys quraldaryn tekserdi.

Qoımada túsirilgen vıdeony Facebook-te Sybaılas jemqorlyqqa qarsy qyzmet janyndaǵy arnaıy monıtorıng toby tóraǵasynyń orynbasary Rafael Gasanov jarııalady.

Tekserý barysynda, qoımadaǵa taýarlar 2020 jyldyń maýsym aıynda respýblıkalyq bıýdjetten bólingen aqshaǵa satyp alynǵany anyqtaldy. 90 mln teńgege 12 myńǵa jýyq kostıým ákelingen. Bir jıyntyq 7500 teńge turady. Qazir qoımada 7028 danasy bar.


Jandarbek Bekshın kostıýmderdi tekserip, olardyń talaptarǵa saı kelmeıtinin aıtty.

«Qoımada medıtsınalyq emes, qurylysshylarǵa arnalǵan jeke qorǵanys kıimderi saqtalǵany belgili boldy. Olar shań men boıaýdan qorǵaıdy, alaıda sý ótkizedi, sondyqtan epıdemıologtardyń qoldanýyna jaramsyz. Men materıaldardy sybaılas jemqorlyqqa qarsy is-qımyl departamentine tapsyrdym. Olardyń tapsyrysymen saraptama jasaldy «, - dedi J.Bekshın tikeleı efır kezinde.

Sondaı-aq, bas sanıtar dáriger qoımada densaýlyq saqtaý mınıstrliginiń talaptaryna sáıkes kelmeıtin kózildirikter, maskalar da bar ekenin aıtty. Tipti, kishigirm eksperıment jasady.

«Muny qarapaıym túrde eshqandaı zerthanasyz tekserýge bolady. Eger sý ótse, onda vırýs ta ótedi. Men mundaı kıimdermen epıdemıologtarymdy aýrý oshaǵyna jibere almaımyn. Qujattarǵa qarasańyz da sáıkes kelmeıdi», - dedi Jandarbek Bekshın.

Qalanyń bas sanıtar dárigeri osy fakti boıynsha sotqa júgingenin de jetkizdi.

Onyń aıtýynsha, bul qalada jeke qorǵanys quraldary jetispeıtinin bildiredi. Qoımadaǵy qor eki aıǵa da jetpeıdi. Qazir jeke qorǵanys quraldarynyń bólikterin basqa aımaqtardan satyp alýǵa týra keledi.


Joǵary qaraı