Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty qoımasyndaǵy sapasyz medıtsınalyq quraldar: Jandarbek Bekshın túsinikteme berdi

2021 jyldyń 21 sáýir 2021 16:15

ALMATY. QazAqparat - Almaty qalasy sanıtarııalyq-epıdemıologııalyq baqylaý departamentiniń bastyǵy Jandarbek Bekshın qalalyq Qoǵamdyq keńesiniń otyrysynda sapasyz jeke qorǵanys quraldaryn satyp alý oqıǵasyna qatysty pikir bildirdi, dep habarlaıdy QazAqparat tilshisi.

«Jeke qorǵanys quraldary ótken jyly satyp alynǵan. Men bul máseleni birden kóterdim. Qyrkúıek aıynda sapasyz medıtsınalyq kostıýmder anyqtalǵanan keıin men Sybaılas jemqorlyqqa qarsy is-qımyl departamentine júgindim. Keıin isti sot qarady, biraq ózderińiz kórip otyrǵandaryńyzdaı, bul jerde kóp nárse eskerilmegen. Men keshe ǵana eshqandaı zerthanalyq zertteýler júrgizbeı-aq olardyń qanshalyqty tıimsiz ekenin anyq, aıqyn, beıneli túrde kórsettim. Iá, bul kir men shańnan qorǵaýǵa arnalǵan jeke qorǵanys quraldary, biraq vırýstan emes», - dedi Almaty qalalyq sanıtarlyq-epıdemıologııalyq baqylaý departamentiniń bastyǵy Jandarbek Bekshın, Almaty qalasy Qoǵamdyq keńesiniń otyrysynda.

Eske salaıyq, keshe Sybaılas jemqorlyqqa qarsy qyzmet janyndaǵy arnaıy monıtorıngtik top Almatynyń bas sanıtar dárigeri Jandarbek Bekshınniń ótinishi boıynsha qoımada bir jylǵa jýyq saqtalǵan jeke qorǵanys quraldaryn tekserdi.

Qoımada túsirilgen vıdeony Facebook-te Sybaılas jemqorlyqqa qarsy qyzmet janyndaǵy arnaıy monıtorıng toby tóraǵasynyń orynbasary Rafael Gasanov jarııalady.

Tekserý barysynda, qoımadaǵa taýarlar 2020 jyldyń maýsym aıynda respýblıkalyq bıýdjetten bólingen aqshaǵa satyp alynǵany anyqtaldy. 90 mln teńgege 12 myńǵa jýyq kostıým ákelingen. Bir jıyntyq 7500 teńge turady. Qazir qoımada 7028 danasy bar.

Búgin Almaty qalasy sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova «sapasyz» qorǵanysh quraldaryna qatysty pikir bildirdi.

Onyń aıtýynsha, jeke qorǵanysh quraldaryn Qazaqstan Respýblıkasynyń qoldanystaǵy memlekettik satyp alý zańnamasy sheńberinde júzege asyrylǵan.


Joǵary qaraı