Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty mektepteri men balabaqshalarynda oryn tapshylyǵy qashan sheshiledi

2022 jyldyń 20 qańtar 2022 17:00

ALMATY. QazAqparat - Almatyda mektepter men balabaqshalardaǵy oryn tapshylyǵy 5 jylda sheshiledi. Bul týraly qala ákimi Baqytjan Saǵyntaev málim etti, dep habarlaıdy QazAqparat tilshisi.

Spıkerdiń sózinshe, qazir mektepterde 33 812, balabaqshalarda 40 myńǵa jýyq oryn jetispeıdi. Bul balalar sanynyń ósýine baılanysty.

«Bul máseleni sheshý úshin jańa mektepter men balabaqshalardyń jedel qurylysyna basa nazar aýdara otyryp, áleýmettik nysandardy ashý josparlary túzetildi. Bıyl 48 mektep ashylady. Onyń ishinde bıýdjet esebinen – 16, memlekettik-jekeshelik áriptestik aıasynda – 4, qurylys kompanııalarymen jasalǵan memorandým boıynsha – 16, jeke ınvestıtsııalar esebinen – 10 mektep salynady. Sonymen qatar, Áýezov jáne Bostandyq aýdandaryndaǵy eki mekteptiń buryn jekeshelendirilgen ǵımarattaryn satyp alamyz», - dedi Baqytjan Saǵyntaev.

Onyń aıtýynsha, bıyl 82 balabaqsha (jalpy alǵanda 10 myńnan astam oryn) ashý josparda.

«Biz ózimiz úshin 5 jylǵa deıin mektepter men balabaqshalardaǵy tapshylyqty joıý mindetin qoıyp otyrmyz», - dedi Almaty ákimi.


Avtor Alma Muqanova
Basty sózder: Aımaq, Almaty, Bala, Mektep, Ákim, Qurylys, Oqýshy,
Joǵary qaraı