Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty mektepteri jańa oqý jylyna qanshalyqty daıyn

2021 jyldyń 2 tamyz 2021 18:21

ALMATY. QazAqparat - Erjan Babaqumarov mektepterdiń jańa oqý jylyna oflaın formattaǵy daıyndyǵyn tekserdi, dep habarlaıdy QazAqparat.

Almaty qalasy ákiminiń orynbasary Erjan Babaqumarov qalalyq bilim basqarmasynyń basshysy Lázzat Jylqybaevamen birge bilim ınfraqurylymynyń jańa oqý jylynda oqýshylardy qabyldaýǵa daıyndyǵymen tanysty.

Eske salsaq, QR Prezıdenti Qasym-Jomart Toqaev mektep oqýshylarynyń dástúrli formatta oqýǵa daıyndyǵyn qamtamasyz etýdi tapsyrǵan bolatyn.

Jumys sapary aıasynda jańa jáne qosalqy nysandardyń mektep oqýshylaryn qabyldaýǵa daıyndyǵy tekserildi.

Bıyl tabıǵı ósimniń jáne kóshi-qonnyń artýy arqasynda Almatyda oqýshylar sany 280 myń balaǵa jetti.

Osyǵan oraı ári kúrdeli epıdemıologııalyq ahýaldy eskere otyryp, bilim berý úderisi kezinde qaýipsizdik sharalary men áleýmettik qashyqtyqty qamtamasyz etý úshin jańa oqýshy oryndaryn ashý barynsha mańyzdy.

Máselen, №38 gımnazııa men №199 mekteptiń qosalqy nysandary, №40 jáne №45 mektepterdi qalpyna keltirý jáne seısmıkalyq kúsheıtý jumystary tekserildi.

№21 mektep aýmaǵyndaǵy 120 oryndy jańa balabaqshanyń daıyndyǵy qosymsha tekserildi.

Osy nysandardy iske qosýdyń arqasynda jańa oqý jylyna 1025 jańa oqýshy orny qurylatyn bolady.

Almatyda 2025 jylǵa deıin bilim nysandarynyń qurylysyn jedel júrgizý qalalyq baǵdarlamasy aıasynda mektepterdegi oryn tapshylyǵyn 73% tómendetý josparlanyp otyr.

Sanıtarlyq-epıdemıologııalyq qaýipsizdik sharalaryn saqtaý máselelerine jiti nazar aýdaryldy. №56 gımnazııa mektebiniń tájirıbesi boıynsha oqýshylar men oqý protsesine qatysatyn basqa tulǵalardyń temperatýrasyn ólsheıtin arnaıy kirý júıesin engizý múmkindigi qarastyrylǵan.

Ákimniń orynbasary Erjan Babaqumarov bilim mekemeleriniń aýmaǵyn salý men abattandyrýdy merziminde aıaqtaýdyń mańyz ekenin atap ótti jáne bilim berý qaýipsizdigin qamtamasyz etý boıynsha birqatar naqty tapsyrmalar berdi.

COVID-19-ǵa qarsy vaktsınalanýǵa basa nazar aýdaryldy. Búginde Almatyda 705 myńǵa jýyq turǵyn vaktsınalandy, muǵalimder ekpemen 100% qamtyldy (vaktsınalanýy tıis tulǵalar sany boıynsha).

Alaıda, balalardy qorshaǵan ortanyń qaýipsizdigin qamtamasyz etý úshin eresek turǵyndardy, onyń ishinde ata-analardy vaktsınalaýmen qamtýdy ulǵaıtý qajet.


Basty sózder: Bilim, Almaty,
Joǵary qaraı