Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almaty metrosyna jańa basshy keldi

2021 jyldyń 20 qańtar 2021 14:04

ALMATY. QazAqparat - Almaty «Metropolıten» KMK basshylyǵyna Saǵyndyq Telibaev taǵaıyndaldy, dep habarlaıdy QazAqparat tilshisi.

Almaty ákiminiń birinshi orynbasary Erlan Qojaǵapanov jańa basshyny uıym qyzmetkerlerine tanystyrdy.

Sonymen qatar, ol qala ákimi metropolıtenniń aldyna birqatar naqty mindetter qoıǵanyn atap ótti. Bul jolaýshylarǵa qyzmet kórsetý sapasynyń jaqsarýy, qaýipsizdik deńgeıiniń joǵarylaýy, jolaýshylar aǵynynyń artýy. Sondaı-aq, ol Saǵyndyq Telibaevtyń tájirıbeli menedjer, kólik salasynda mol tájirıbesi bar ekenin tilge tıek etti. Jalpy metrony odan ári damytýǵa erekshe nazar aýdarýdy tapsyrdy.

Saǵyndyq Telibaev metropolıtendegi eńbek jolyn «Almatymetrokrylys» AQ kúrdeli qurylys basqarmasynyń tehnıkalyq ınspektory bolyp bastady. Keıin kúrdeli qurylys bóliminiń jetekshi ınjeneri, Almaty qalasynyń «Metropolıten» KMK tehnıkalyq bóliminiń jetekshi ınjeneri boldy.

Al Memlekettik qyzmettegi eńbek jolyn Almaty qalasy Jolaýshylar kóligi jáne avtomobıl joldary basqarmasynda jol ınfraqurylymy bóliminiń mamany bolyp bastady. Sońǵy birneshe jylda Almaty qalalyq mobıldilik basqarmasynyń basshysy boldy.


Avtor Alma Muqanova
Basty sózder: Taǵaıyndaý, Almaty, Qoǵam,
Joǵary qaraı