Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysy ákiminiń jańa orynbasary taǵaıyndaldy

2021 jyldyń 5 mamyr 2021 13:59

TALDYQORǴAN. QazAqparat - Almaty oblysy ákiminiń ókimimen Dándibaev Arslan Momyshuly oblys ákiminiń orynbasary bolyp taǵaıyndaldy, - dep habarlaıdy QazAqparat tilshisi.

Arslan Momyshuly Dandybaev 1975 jyly týǵan. Abaı atyndaǵy Almaty memlekettik ýnıversıtetin halyqaralyq qatynastar, referent mamandyǵy boıynsha bitirgen.

Eńbek jolyn Qazaqstan Respýblıkasy Syrtqy ister mınıstrligi Konsýldyq qyzmet departamentiniń mamany, attashesi bolyp bastady.

Ár jyldarda Qazaqstan Respýblıkasynyń Stambýl qalasyndaǵy Konsýldyǵynyń, QR-nyń Túrkııa Respýblıkasyndaǵy Elshiliginiń attashesi, QR-nyń Amserdam qalasyndaǵy Bas konsýldyǵynyń vıtse-konsýly, QR-nyń Nıderland Koroldigindegi Dıplomatııalyq mıssııasynyń ekinshi hatshysy, birinshi hatshysy, QR-nyń Túrkııa Respýblıkasyndaǵy Elshiliginiń birinshi hatshysy, QR Syrtqy ister mınıstrliginiń Memlekettik protokol qyzmeti Memlekettik jáne úkimettik saparlar bóliminiń bastyǵy, QR Prezıdenti Protokolynyń bas sarapshysy, konsýltanty, QR Bas konsýldyǵynyń keńesshisi, QR Stambýl qalasyndaǵy Bas konsýly, QR Syrtqy ister mınıstrliginiń Almaty qalasyndaǵy ókildiginiń Basshysy, «Astana EKSPO-2017» UK» AQ Protokol qyzmetiniń Basshysy, QR Syrtqy ister mınıstrligi Memlekettik protokol qyzmetiniń Basshysy, QR Prezıdenti Protokoly Basshysynyń orynbasary laýazymdaryn atqardy.

2019 jyldyń naýryzynan – QR Tuńǵysh Prezıdenti – Elbasy Protokolynyń Basshysy boldy.

Aıta keteıik, buǵan deıin Almaty oblysy ákiminiń ıdeologııaǵa jaýapty orynbasary bolǵan Rýstam Alı Eskeldi aýdanynyń ákimi bolyp taǵaıyndaldy.

Avtor Samal Qabysheva
Basty sózder: Almaty oblysy, Ákim, Taǵaıyndaý,
Joǵary qaraı