Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysy turǵyndarynyń 42%-y vaktsınalanǵan

2021 jyldyń 23 shilde 2021 21:55

ALMATY OBLYSY. QazAqparat – Almaty oblysynda koronavırýsqa qarsy vaktsınanyń birinshi dozasyn 513 109 adam alǵan. Bul osy aımaqtaǵy halyqtyń 42%-yn quraıdy, dep habarlaıdy QazAqparat tilshisi.

Almaty oblysynyń sanıtarlyq-epıdemıologııalyq baqylaý departamentiniń boljamynsha, qyrkúıek aıynyń sońyna deıin jetisýlyqtardyń 60%-y ekpe alady.

Vaktsınatsııa – pandemııany toqtatýdyń jalǵyz joly. Almaty oblysynda 22 shildedegi koronavırýs ınfektsııasy boıynsha epıdemıologııalyq ahýal nasharlaýda, oblys «qyzyl» aımaqta tur.

«2020 jyldyń naýryz aıynan beri óńirde 29 872 koronavırýstyń rastalǵan jaǵdaıy tirkelgen. Olardyń 19 167-si – sımptommen. Sońǵy aptada Alakól, Balqash, Eńbekshiqazaq, Іle, Qarasaı, Qaratal, Raıymbek, Talǵar aýdandarynda ósim qarqyny baıqalýda. Sońǵy táýlikte 178 KVI jaǵdaıy tirkelgen. «delta» shtammy eki adamnan anyqtaldy», - dep atap ótti Almaty oblysy sanıtarlyq-epıdemıologııalyq baqylaý departamentiniń baspasóz hatshysy Álııa Shaǵıahmet.


Basty sózder: Koronavırýs, Vaktsına, Almaty oblysy,
Joǵary qaraı