Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda 15- servıstik ákimdik ashyldy

2020 jyldyń 19 qazan 2020 12:28

ALMATY OBLYSY. QazAqparat - Almaty oblysy Jambyl aýdanynda barlyq múmkindikter qarastyrylǵan servıstik ákimdik ashyldy. Bul — Almaty oblysynda ashylǵan 15-servıstik ákimdik, dep habarlaıdy QazAqparat ákimdikke silteme jasap.

Memleket basshysy Qasym-Jomart Toqaevtyń «Halyq únine qulaq asatyn memleket» tujyrymdamasyn iske asyrý maqsatynda qolǵa alynǵan keńseniń ashylýyna Almaty oblysy boıynsha Sybaılas jemqorlyqqa qarsy qyzmet Departamenti basshysynyń birinshi orynbasary Jandos Jumabaev, Qazaqstan Respýblıkasy Memlekettik qyzmet isteri Agenttiginiń Almaty oblysy boıynsha departamenti basshysynyń orynbasary Qobylan Manapov jáne aýdan ákimi Baǵdat Álıev qatysty.

Aýdan ákimi Baǵdat Álıevtiń aıtýynsha, bul ǵımaratta memlekettik mekemelerdiń 13 mamany turǵyndarǵa 36 túrli memlekettik qyzmet kórsetedi. Sonymen qatar, bul keńsede «Jetisý adaldyq alańy» jobasymen jabdyqtalǵan azamattardy qabyldaý kabıneti ornalasqan. Munda aýdan ákimi, onyń orynbasarlary, mekeme basshylary turǵyndardy jeke máseleleri boıynsha qabyldaý júrgizedi.





Servıstik ákimdikte barlyq qolaıly jaǵdaılar jasalǵan. Kútý zalynda yńǵaıly oryndyqtar, kondıtsıner, sýǵa arnalǵan dıspenser men aqparattyq teledıdar ornatylǵan. Ózine-ózi qyzmet kórsetýge arnalǵan burysh uıymdastyrylǵan. Múgedekter úshin shaqyrý qońyraýy, pandýs, kıim sheshetin bólme, braıl shrıftinde jazylǵan taqtalar da bar.





Joǵary qaraı