Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda 20 jastaǵy boıjetken dári-dármekti qymbatqa satqan

2020 jyldyń 23 shilde 2020 12:00

TALDYQORǴAN. QazAqparat - Almaty oblysynyń turǵyny dári-dármekti kóterińki baǵamen satqany úshin ákimshilik jaýakershilikke tartylady, dep habarlaıdy QazAqparat.

Bul jaıynda Qarjy monıtorıngi komıtetiniń baspasóz qyzmeti málimet taratty.

Kúsheıtilgen karantın jaǵdaıynda oblystyq prokýratýramen birlesip reıd júrgizgen Almaty oblysy boıynsha ekonomıkalyq tergeý departamentiniń qyzmetkerleri 2000 jyly týǵan áıeldiń dárilik zattardy joǵary baǵamen satý faktisin anyqtady.

Ol respıratorlyq vırýstyq aýrýlarmen aýyratyn naýqastardy emdeýge arnalǵan dári-dármekti ruqsat qujatynsyz jáne lıtsenzııasyz, sondaı-aq kóterińki baǵamen satqan.

Tintý barysynda 200 000 teńgeden astam somaǵa «Kleksan», «Fraksıparın», «Zıtmak-500» jáne basqa da dári-dármek tárkilenip alyndy.

Atalǵan faktiniń materıaldary Almaty oblysy boıynsha taýarlar men qyzmetterdiń sapasy men qaýipsizdigin baqylaý deparatamentine joldandy.

Qarjy monıtorıngi komıteti jáne aýmaqtyq ETD dári-dármekti zańsyz satý, sondaı-aq baǵasyn kótergeni úshin qylmystyq nemese ákimshilik jaza qarastyrylǵanyn eskertedi.



Basty sózder: Almaty oblysy, Medıtsına, Zań, Oqıǵa,
Joǵary qaraı