Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda 200 myń teńge para alǵan polıtseıler 7 mln teńgeden aıyppul tóledi

2021 jyldyń 15 qyrkúıek 2021 13:31

TALDYQORǴAN. QazAqparat - Almaty oblysynda 200 myń teńge para alǵan polıtseıler 7 mln teńge aıyppul tóledi, dep habarlaıdy QazAqparat tilshisi.

Olardyń para alatyny týraly málimet sybaılastyqpen kúresetin 1424 sall-ortalyǵyna kelip túsken.

«Talǵar aýdandyq polıtsııa basqarmasynyń patrýldik polıtsııa rotasy ınspektorlary, 1987 jáne 1992 jyly týǵan aǵa leıtenanttardyń áreketi áshkere boldy. Olar aldyn ala sóz baılasý arqyly 200 000 teńge para aldy. Parany QR ÁQBtK 612-baby 3-bóligi (kólik quralyn basqarý quqyǵynan aıyrylǵan júrgizýshiniń kólik quralyn basqarýy) boıynsha ákimshilik jaýapqa tartpaý jáne kólik qujattaryn qaıtaryp berý úshin alǵan»,- delingen Sybaılas jemqorlyqqa qarsy is-qımyl agenttiginiń Almaty oblysy boıynsha departamenti taratqan habarlamada.

Vedomstvonyń aqparatyna sáıkes, Talǵar aýdandyq sotynyń úkimimen ekeýi de QR QK 366-baby 3-bóligi boıynsha kináli dep tanylyp, árqaısy 7 mln teńge mólsherinde (para somasynyń 35 eselengen mólsheri) aıyppul tóleıtin boldy.

Aıta keteıik, halyqtyń quqyqtyq saýatyn arttyrý, sybaılas jemqorlyqqa qarsy aldyn alý sharalarynyń tıimdiligi, jasalǵan faktilerge ýaqtyly den qoıý maqsatynda táýlik boıy 1424, 24/7 sall-ortalyǵy jumys isteıdi, ıaǵnı túngi ýaqytta, demalys kúnderi siz sybaılas jemqorlyq faktileri týraly eldiń kez kelgen jerinen 1424 sall-ortalyǵyna habarlaı alasyz.

Ortalyq qyzmetkerleri azamattarǵa quqyqtyq másele boıynsha keńes beredi, kelip túsken ótinishterdi odan ári talqylaý úshin óńirlik departamentterge dereý beredi.

Qabyldanǵan sharalar, onyń ishinde qylmystyq-quqyqtyq ortada, óziniń ózektiligi men qajettiligin kórsetedi.

Azamattardyń áleýmettik salaǵa qatysty ótinishteri turmystyq sybaılas jemqorlyqtyń jolyn kesýge múmkindik beredi.


Joǵary qaraı