Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almaty oblysynda 23 mektep dırektory qosymsha kásipkerlikpen aınalysqan

2022 jyldyń 18 mamyr 2022 10:51

TALDYQORǴAN. QazAqparat - Almaty oblysynda 23 mektep dırektory kásipkerlik qyzmetpen aınalysqany úshin ákimshilik jaýapkershilikke tartyldy, - dep habarlaıdy QazAqparat tilshisi.

ÁQBtK-niń 154-babyna sáıkes «kásipkerlik qyzmetpen aınalysýǵa tyıym salynǵan adamnyń osyndaı qyzmetpen aınalysýyna» baılanysty Almaty oblysy boıynsha kóliktik baqylaý ınspektsııasynyń bas mamany ákimshilik jaýapkershilikke tartyldy. Onyń kiristeri tárkilenip, 200 AEK kóleminde (612 600 teńge) aıyppul salyndy.
«Dál osy bappen oblys boıynsha 23 mektep dırektory kásipkerlik qyzmetpen aınalysqany úshin ákimshilik jaýapqa tartyldy. Qazirgi ýaqytta, bilim berý mekeme basshylarynyń barlyǵyna 200 AEK ıaǵnı, 612 600 teńge kóleminde ákimshilik jaza taǵaıyndaldy. Sonymen qatar, Almaty oblysynyń 4 mekeme basshysy ÁQBtK–niń 680-babyna sáıkes «memlekettik organdar basshylarynyń sybaılas jemqorlyqqa qarsy is-qımyl jónindegi sharalardy qabyldamaýyna» baılanysty árqaısysyna 50 AEK (153 150 teńge) kóleminde aıyppul salyndy» - dedi QR Sybaılas jemqorlyqqa qarsy is-qımyl agenttiginiń Almaty oblysyndaǵy Departament basqarmasynyń basshysy Asqar Sadyqov.
17 mamyrdaǵy jaǵdaı boıynsha, sybaılas jemqorlyqqa baılanysty (ÁQBtK-niń 154, 680-baptary boıynsha) 28 ákimshilik hattama toltyryldy.

Kásipkerlik qyzmet salasyna jáne basshylyq tarapynan qabyldanbaǵan sharalarǵa baılanysty 28 memlekettik qyzmetshi ákimshilik jaýapqa tartyldy.

Sybaılas jemqorlyqqa qarsy qyzmettiń ákimshilik materıaldary boıynsha salynǵan aıyppuldardyń jalpy somasy 10 mln asa teńgeni qurady.



Joǵary qaraı