Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda 45 mln teńgeniń sporttyq alańdary qujat júzinde ǵana jasalǵan

2021 jyldyń 17 qyrkúıek 2021 21:40

TALDYQORǴAN.QazAqparat - Almaty oblysynda 45 mln teńgege salynǵan sporttyq alańdar shyn mánisinde aıaqtalmaǵan bolyp shyqty. Mundaı keleńsiz jaǵdaı Sarqan aýdanynda bolǵan, dep habarlaıdy QazAqparat tilshisi.

Dál osy aýdannyń úsh aýylynda ıaǵnı, Baqaly, Kókózek, Almalyda qujat júzinde zamanaýı sporttyq alańdar salynǵan. Tipti jumys aıaqtalmasa da merdigerdiń shotyna kelisimshartta kórsetilgen 45 mln teńge tolyqtaı aýdarylǵan. Máselen, qujat júzinde salynyp bitken sport alańynyń biri Almaly aýylynda ornalasqan. Dál osy obektini salý úshin 15 mln teńge bólingen. Alaıda 15 mln teńgege salyndy delingen sport alańynda qıyrshyq tas pen aram shópten basqa eshteńe joq.

«Bul jumystar byltyr qazan-qarasha aıynda bastaldy. Qıyrshyq tas tókti, jan-jaǵyn betondady, sonymen jumystar toqtady.





Zamanaýı qorshaýy, jaryǵy bar alań salynady dedi. Qýanyshymyz zor boldy. Biraq sý sepkendeı basyldy. Ózim sol obektiniń komıssııa músheliginde bar ekenimdi de bilmeımin, qujat ta kórmedim, qol da qoımadym. Barlyq jumystardy Sarqan aýdandyq turǵyn-úı kommýnaldyq sharýashylyq bólimi júrgizdi. Aýyldyq ákimdiktiń esh qatysy joq», - dedi Almaly aýyldyq okrýginiń ákimi Ashat Turǵanbekov.

Al Sarqan aýdanynyń Baqaly, Kókózek, Almaly aýyldarynda úsh sporttyq alańdy qujat júzinde salǵan «Baǵaly-Alakól» merdiger kompanııasy. Eń soraqysy, 45 mln teńgeniń jumysy atqarylmasa da tolyq qarajat merdiger kompanııanyń shotyna aýdarylǵan. Qujat júzinde jumystar byltyrǵy jyldyń 30 qarashasynda aıaqtalǵan. «Baǵaly-Alakól» merdiger kompanııasymen kelisimshart jasasqan Sarqan aýdanynyń turǵyn úı kommýnaldyq sharýashylyq bóliminiń basshysy Ǵabıt Sábıtuly aqshany jumys atqarylmasa da jeke kompanııanyń shotyna aýdarylǵanyn moıyndap, jaǵdaıdy bylaı túsindirdi.





«Barlyǵy 45 mln teńge qarajat aýdaryldy. Bul nysandar qujat júzinde aıaqtalǵan. Alaıda, merdigermen eshqandaı kelisimshart buzylǵan joq. Olardyń kelisimshart boıynsha kepildik merzimi bar. 2 jyldyq, eger de jumystar durys jasalmaǵan jaǵdaıda, ózderi qaıta atqarady. Ekinshiden, ol kisilerdiń bizde kepildik haty bar. ıAǵnı, 2021 jyly jumystardy tolyq aıaqtaımyz degen», - dedi Sarqan aýdandyq turǵyn-úı kommýnaldyq sharýashylyq bóliminiń basshysy Ǵábıt Sábıtuly.











Avtor Samal Qabysheva
Basty sózder: Almaty oblysy, Qurylys, Sport,
Joǵary qaraı