Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda 50 jyl jóndeý kórmegen aýrýhana jóndelip jatyr

2020 jyldyń 22 qazan 2020 13:17

TALDYQORǴAN. QazAqparat - Almaty oblysynyń Alakól aýdanynda 50 jyl jóndeý kórmegen aýrýhana «Aýyl-el besigi» jobasy aıasynda jóndelip jatyr. Bul maqsatqa 710 mln teńge bólingen, dep habarlaıdy QazAqparat tilshisi.

Alakól aýdany ákiminiń baspasóz qyzmetiniń málimetinshe, Qabanbaı aýylyndaǵy aýrýhananyń kúrdeli jóndeý jumystary maýsym aıynda bastalǵan. 1970 jyly irgetasy qalanǵan mekemege birde-bir ret kúrdeli jóndeý júrgizilmegen. Qazirgi tańda «Aýyl-el besigi» jobasy aıasynda 710 mln teńge bólingen. Onyń ishinde Respýblıkalyq bıýdjetten 639,6 mln teńge bólinse, jergilikti bıýdjetten 71 mln teńge qarastyrylǵan. Al qaıta jóndeýden ótken aýrýhana 30 qarashada qoldanysqa beriledi dep josparlanýda.

«Aýyl – el besigi» arnaıy jobasy aıasynda Qabanbaı aýylyna barlyǵy 1117,1 mln.teńge qarastyrylǵan. Aýrýhanadan bólek 500 oryndyq mádenıet úıiniń kúrdeli jóndeý jumystaryna 153,8 mln.teńge (RB 114,9 mln.teńge JB 38,9 mln.teńge), 235,2 mln.teńgege jalpy uzyndyǵy 9 shaqyrymdy quraıtyn Qabanbaı batyr, Qorqyt ata, Bógenbaı batyr, M.Aýezov, S.Husaıynov, Naýryzbaı batyr, Sh.Ýalıhanov kósheleriniń orta jóndeý jumystaryna kórsetilgen qarajat bólingen. Joǵarydaǵy is-sharalar josparǵa sáıkes atqarylýda. Atalǵan 9 jobanyń 8-i onyń ishinde, jol jóndeý jumystary men mádenıet úıi qabyldanyp, qoldanysqa berildi. Qalǵan bir joba ıaǵnı aýrýhana 30 qarashada qoldanysqa beriledi», - delingen atalǵan vedomstvonyń aqparatynda.


Joǵary qaraı