Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda 6 jasar balany kólik qaqty

2020 jyldyń 31 shilde 2020 22:15

TALDYQORǴAN. QazAqparat – Almaty oblysynyń Eńbekshiqazaq aýdanynda bolǵan jol-kólik oqıǵasy saldarynan 6 jasar bala aýrýhanaǵa tústi, dep habarlaıdy QazAqparat.

Oqıǵa Túrgen aýylynda boldy. 25 jastaǵy azamat basqaryp kele jatqan «Volkswagen Golf» markaly kóligi Qulmambetov kóshesinen shyǵysqa qaraı ketip bara jatyp, 6 jasar balany qaǵyp ketti. Bala arnaıy belgilenbegen jerden joldan ótip bara jatqan bolatyn»,-dep habarlady oblystyq Polıtsııa departamentinen.

Túrli dene jaraqattaryn alǵan bala ortalyq aýdandyq aýrýhanaǵa jetkizildi. Onyń densaýlyq jaǵdaıy qazir qalypty jáne ol dene jaraqattary bóliminde jatyr.

«Tekserý jumystary júrgizýshiniń spırtti ishimdik qabyldamaǵany anyqtaldy. Sotqa deıingi tergeýdiń biryńǵaı tizilimine 345 baptyń 2 bóligi boıynsha (Adam densaýlyǵyna ortasha deńgeıde zaqym keltirgen jol erejesin buzý) engizildi. Іs boıynsha tıisti saraptamalar taǵaıyndaldy»,-dedi tártip saqshylary.

Basty sózder: Oqıǵa, Almaty oblysy,
Joǵary qaraı