Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda 8 páterli úı órtendi

2021 jyldyń 1 jeltoqsan 2021 22:09

TALDYQORǴAN. QazAqparat - Almaty oblysynyń Talǵar aýdanyndaǵy Tóńkeris aýylynda 8 páterli úı órtendi. Turǵyndar der kezinde úıden shyǵyp úlgergen, órtten eshkim zardap shekpegen, dep habarlaıdy QazAqparat tilshisi.

«Órt 30 qarasha kúni saǵat 18:15 shamasynda tutandy. 8 páterli barak tıpti úı órtendi. 8 páterdiń 6-ýyn órt shaldy, onyń ishinde ekeýiniń shatyry janǵan. Abyroı bolǵanda, turǵyndar der kezinde úıden shyǵyp úlgerdi. Oqıǵa ornyna túnde Talǵar aýdanynyń ákimi Qaıdar Ábdihanov jetti. Belgili bolǵandaı, barak tıpti úıde barlyǵy 34 adam turady. Onyń 16-sy bala. Órtengen 6 páterde barlyǵy 30 adam turǵan, onyń 15-i bala»,- delingen Talǵar aýdany ákiminiń baspasóz qyzmeti jarııalaǵan habarlamada.

Vedomstvonyń aqparatyna sáıkes, úıdiń aýmaǵy 288 sharshy metr. Úı 1952 jyly qamystan salynǵan.

Ákimdiktiń málimetinshe, úıi órtengen otbasylarǵa memleket esebinen kómek berý máselesi qaralady. Qazirgi kezde turǵyndar týystaryn panalaǵan. Ótinish bildirgen jaǵdaıda ýaqytsha páterge ornalastyrý jaǵy qarastyrylady.

Qazirgi kezde órttiń sebebi anyqtalyp jatyr.


Joǵary qaraı