Aýa raıy
Astana 30 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Almaty oblysynda anasymen sózge kelispegen bozbala úıinen qashyp ketken

2020 jyldyń 1 shilde 2020 18:08

TALDYQORǴAN. QazAqparat - Almaty oblysynda anasymen sózge kelispegen 16 jastaǵy bozbala úıden qashyp ketken, dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, 18 maýsym kúni saǵat 12:00 shamasynda Aqsý aýdany polıtsııasynyń kezekshi bólimine Mataı stantsııasynyń 38 jastaǵy turǵyny aryzdanǵan. Ol 16 jastaǵy ulynyń joǵalyp ketkendigin jetkizgen. Anasy jáne onyń azamattyq nekede birge turatyn kúıeýimen sózge kelispegen bozbala úıden ketip qalǵan. Qaldyrǵan jazbasynda, ol bólek turyp, kolledjde oqyǵysy keletindigi saldarynan ketkenin jetkizgen. «Habar-osharsyz ketken azamat týraly aryz tirkelgennen keıin polıtseıler birden izdestirý sharalaryna kiristi.

Іzdeý barysynda jasóspirimniń Almaty qalasyna jol tartqan poıyzdan kórgender anyqtaldy. 10 kúnnen astam ýaqyt jas jigitke belsendi izdeý júrgizildi. Sońynda, Aqsý jáne Talǵar aýdandarynyń krımınaldyq polıtsııa qyzmetkerleriniń birlesken kúsh-jigeriniń nátıjesinde ońtústik astanadan tabylyp, tárbıelik -túsindirý maqsatyndaǵy áńgimelesýden keıin anasyna tabystaldy»,- deıdi Aqsý aýdany PB JPQB ıývenaldyq tobynyń aǵa ınspektory polıtsııa podpolkovnıgi Qaraqat Nurlybekova.

Jasóspirimmen buǵan deıin de úıden óz erkimen ketkeni úshin psıhologpen birlese ıývenaldy polıtsııa qyzmetkerleri aldyn alý sharasyn júrgizgen. Osyǵan baılanysty, qaıta tirkelegen derek negizinde polıtsııa qyzmetkerleri tizimdik esepke qoıý týraly sheshim qabyldaý úshin kámeletke tolmaǵandardyń quqyqtaryn qorǵaý jónindegi komıssııaǵa tıisti materıaldardy jiberdi.

«Kelesi tártip buzýshylyq oryn alǵan jaǵdaıda, eger komıssııa odan ári anasyna degen baǵynbaýshylyqqa kóz jetkizse, komıssııa QR «Kámeletke tolmaǵandar arasyndaǵy quqyq buzýshylyqtyń aldyn alý týraly « Zańyna sáıkes, ony erekshe rejımde ustaıtyn arnaıy bilim berý uıymdaryna jiberý máselesi boıynsha materıaldardy sotqa daıyndaý týraly sheshim qabyldaýǵa quqyly»,- dep túsindirdi podpolkovnık Qaraqat Nurlybekova.

Sonymen qatar, polıtseıler QR ÁQBtK-niń 127-babyna sáıkes kámeletke tolmaǵandardy tárbıeleý jónindegi mindetterin oryndamaǵany úshin olardyń ata-analary men zańdy ókilderine ákimshilik jaýapkershilik týyndaıtynyn atap ótti. Eger kámeletke tolmaǵan azamat alkogoldi, esirtkini paıdalansa nemese qańǵybastyqpen, qaıyrshylyqpen aınalyssa, ne qylmystyq nemese ákimshilik quqyq buzýshylyq jasasa, bul jaýapkershilik iri aıyppulǵa nemese ákimshilik qamaýǵa deıin kúsheıtiledi.


Avtor Samal Qabysheva
Basty sózder: Almaty oblysy, Oqıǵa, QR ІІM,
Joǵary qaraı