Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaty oblysynda áskerı oqý-jattyǵý kezinde ofıtser qaza boldy

2021 jyldyń 16 qyrkúıek 2021 09:45

NUR-SULTAN. QazAqparat – Qorǵanys mınıstrligi Almaty oblysynda oqý-jattyǵý kezinde ofıtserdiń qaza bolǵany týraly málimetke túsinikteme berdi, dep habarlaıdy QazAqparat tilshisi.

«2021 jyl 14 qyrkúıekte Almaty oblysynda parashıýtpen josparly sekirý oqý-jattyǵýyn oryndaý kezinde Qarýly Kúshterdiń áskerı qyzmetshisi, áskerı sheni «kapıtan», 1990 jyly dúnıege kelgen ofıtser qaza tapty», - dep jazady mınıstrliktiń baspasóz qyzmeti.

Vedomstvo marqumnyń týystarynyń ótinishi boıynsha ol týraly ózge aqparat jarııa etilmeıtinin eskertken.

«Buryn ol 50-ge jýyq márte parashıýtpen sekirgen. Shtattan tys parashıýtti-desant qutqarýshylar tobynyń quramyna kirgen. Qaıǵyly jaǵdaıdyń mán-jaıy anyqtalyp jatyr. Qorǵanys mınıstrliginiń basshylyǵy jáne Qarýly Kúshterdiń jeke quramy qaza bolǵan áskerı qyzmetshiniń jaqyndary men týystaryna qaıǵyryp kóńil aıtady», - dep jazylǵan resmı málimette.

Qorǵanys mınıstrligi áskerı qyzmetshiniń otbasyna kómek kórsetý jónindegi qajetti sharalardy qabyldaıdy.



Joǵary qaraı